د بەرنامەیێ مە دایە كارگەهەكا سپایرۆلینا ل كوردستانێ دانین
هەرهین محەمەد:
بالیوز و نوونەرێ رێكخراوەكا حكومی و نێڤدەولەتی یا كو ب سەر نەتەوەیێن ئێگرتی ڤە دیاردكەت كو هەر ژ سالا 2016 و هەتا نوكە ئەو سەبەتێن خوارنێ و ل گەل پێدڤیێن رۆژانە یێن مالێ ل سەر ئاوارەو هەژاران بەلاڤدكەن و و بێ‌ك و دەولەمەندەك، یان سپونسەرەك هاریكاریێ ل گەل وان بكەت.
د. كاوە عەبان، بالیوزو نوینەرێ رێكخراوا (ئیمسام) یا حكومی و نێڤدەولەتی یا كو ب سەر نەتەوەیێن ئێگرتی ڤە گۆت: ل سالا 2016 ئەڤ رێكخراوە هاتیە دامەزراندن و كارێ مە یێ سەرەكی هەڤركیا بەت خۆراكیێ دكەین، ئانكو ئەم سەبەتێن خوارنێ ل سەر كەمپا و كێم دەرامەتان بەلاڤدكەین و هەر سەبەتەك ژی ژ 20 كەرەستەیان پێك دهێت و ئەگەر خێزان یا مەزن بیت ئەم دو سەبەتان ددەینێ و كارێ مە یێ سەرەكی سپایرولینە و ئەم ئەوی دكەینە خوارن و دابەش دكەین، بەلێ مە كارگەهێن سپایرولینا ل هەرێما كوردستانێ نینە و ئەم نەشێن بینینە ناڤخۆیی، چونكو مادەكێ گرانە و نەچارین كارێ خوە ب سەبەتێن خوارنێ ب رێڤەببەین و وەكو هەموو رێكخراوێن دی بەلاڤ دكەین.
زێدەتر گۆت: د داهاتی دا مە ل بەرە كارگەها سپایرولینا ل هەرێما كوردستانێ بدانین و ئەو سپایرولینا مادەكێ خوارنێ یە دبێژنێ (سوپەرفود)، ئانكو زێرێ كەسك و ئەڤ خوارنە هەموو ڤیتامین تێدا هەنە.
عەبان ئەو ژی گۆت: ل دەستپێكا سالا 2014 هاتنا ئاوارەیان مە سەبەتێن خوارنێ ل سەر ئاوارەیان بەلاڤكرینە و جار هەبوویە هەتا 100 سەبەتان مەبەلاڤكرینە و ل سالا 2019 ل دەمێ هاتنا پەتایا كورونایێ مە پتر رۆلێ خوە دیت و پتریا كارگەهان راوەستیان و خەلك ما د مال ڤە و ژ كاركرنێ راوەستیان و ل وی دەمی ئەم بارسڤكیەك بووین بۆ وان و مە گوتێ ل مالێن خوە بنو دەرنەكەڤن ئەم دی هاریكاریا هەوە كەین.
بالیوزو نوینەرێ رێكخراوا (ئیمسام) یا حكومی و نێڤدەولەتی یا كو ب سەر نەتەوەیێن ئێگرتی ڤەیە گۆتژی: مە هندەك رەهەندێن دی ژی هەنە وەكو بابەتێن گەشەپێدانا مرۆڤی و هەردیسان مە بالیوزێن خوە ل 40 وەلاتان هەنە و من گەلەك خولێن سەركردایەتیێ و ل دهۆكێ ڤەكرینە.
