د بەرنامەیەكی دا بوومە سەكەفتیێ دویێ
هەرهین محەمەد:
سترانبێژ (بروا ئەرسەلان) ددیدارەكێ دا بۆ رۆژنامەیا ئەڤرۆ گۆت: بەری چەندەكێ ب هەفكاریا مامۆستا هەلكەوت زاهر مە كلیپەك چێكر كو تێدا دەه هونەرمەند پشكدارببوون ژ هەرچار پارچەیێن كوردستانێ و هونەرمەندەكا عەرەب ژی تێدا پشكداربوو، تكێستێ وێ كرمانجی بوو، رتم سورانی بوو، دیسان مە كارەكێ دی ژی ب ناڤێ(ئاكرێ) بەلاڤ كر ل گەل سێ هونەرمەندان و ئەوی هونەرمەندێن باكور و باشور و رۆژئاڤابوون، هەوەسا كلیپەك ژی ل گەل هونەرمەند لەمیا جەمال من چێكر.
هەروەسا گۆت: هەرژ زارۆكینی ل كومەلا هونەرێ وێژەیی رەواندز قوتابی بووم و پشتی هینگێ چوومە پەیمانگەها هونەرێن جوان و پاشان ل كولیژا هونەرێن جوان ل سەلاحەدین و ل سالا 2013 ژی پشكداری بەرنامەیەكی بووم و تێدا بوومە سەركەفتیێ دویێ و وكو یا دیار مامۆستا هەلكەوت زاهر خزمەتا هونەرێ كوردی و عەرەبی كریە و باشترین ئاوازدانەرە ل كوردستانێ و گەلەكێ كەیفخۆشم ل گەل ماموستایەكێ وەكو وی كاردكەم قوتابیێ وی مە و كەسەكە پشتەڤانیا گەنجان دكەت و خەونا گەلەك هونەرمەندایە ل گەل وی كاربكەن و د بەرنامێ من دایە ل گەل هونەرمەندەكێ دەڤەرا بەهدینان سترانەكێ چێكەم، بەلێ هەكە ستایلێ مە دگەلك ب گونجیت.
