د. بەلقیس ب ڕێیا رۆژناما ئەڤرۆ وەسیەتا خوە ئاشکەرا دکەت
ھەرھین:
ھونەرمەند د. بەلقیس د دیدارەکێ دا بۆ بەرپەرێ ھونەری یێ رۆژنامەیا ئەڤرۆ گۆت: ھەر جارەکا کلیپەکا من ب دووماھی دھێت دەست ب چێکرنا کلیپەکا دی دکەم، ئانکو دسالێ دا دوو یان سێ کلیپان چێدکەم، چونکو چێکرنا کلیپان یاب زەحمەتە و مەزاختی ژی لێ دچیت و دەمێ کلیپان چێدکەم سەمایێ دکەمن ژبەرکو ئەز یا ھاتیم دلێ خەلکەی خوشکەم نەکو ب خەمبێخم و ئەم مرین ھندی ئەم دکەینە گری و دەربارەی گەنجان د کلیپێن خوە دا گوت: ئەو نە خەتایێن منن کو گەنج د کلیپان دا دەرھێنەر وەسا دخوازن و دبیت چیرۆکا سترانێ ژی وەسان بخوازیت.
زێدەترگۆت: من چو جاران ھزر نەکریە کو جارەکا دی ھەڤژینیێ پێکبینم و چونکو گەنجاتی دەمەکە و ھەمووو مرادێن من ئەوە بمە داپیر و ھەتا ل ئەڤی ژی نە بوویمە داپیر کچا من زارۆ نابن و کورێ من ژی ژیێ ئەوی پێنجی سالن و ھەتا نوکە ھەڤژینی پێک نەئینایە وەدیارە ئەوی ل بەر نینە ھەڤژینیێ پێک بینت و دبێژیتە من ئەز خودانێ تەمە گۆت: ھەتا نوکە من نشتەگەریێن جوانکاریی نەکرینە، بەلێ من لبەرە بکەم و ئەز چوومە نۆشداری بۆ سەروچاڤێن خوە گۆتە من نوکە تویا پێدڤی نینی و بتنێ جارەکێ من بۆتوکس و فیلەر داناینە، بەلێ ھەریا باش نەبوو نۆشداری گۆتە من بۆ تە یا باش نینە، چونکو پیستێ تە گەلەکێ بھێزە و ئەڤەژی نعمەتا خودایی یە و سوپاس بۆ خودێ ھەتا نوکە من چ نشتەگەری نەکرینە.
ناڤھاتیێ ب رێیا رۆژناما ئەڤرۆ وەسیەتا خوە دبێژت: ھەموو ملک و مالیەت و سامانێ من بۆ کورێ من بیت، چونکو ئەو گەلەکێ باشە ل گەل من و ئەو یێ ب کەیفا خوەیە کا کەنگی ھەڤژینیێ پێک بینت و دبێژیتە من ئەگەر ھەڤژینیێ پێک بینم دێ تە ژدەست دەم و رۆژانە دھێت دەستی من ماچی دکەت.
