د جەژنێ دا گەشتیاران نێزیكی 24 ملیۆن دۆلار ل پارێزگەها دهۆكێ خەرجكرن
ئەمیر ئەترووشی
د چوار رۆژێن جەژنێ دا 96 هزار گەشتیاران سەرەدانا پارێزگەها دهۆكێ كرینە و نێزیكی 24 ملیۆن دۆلاران خەرجكرینە و رێڤەبەرێ گشتی یێ گەشتوگۆزارێ ل پارێزگەها دهۆكێ ژی دبێژیت: هەر گەشتیارەكی د چار رۆژێن جەژنێ دا نێزیكی 250 دۆلار ل دهۆكێ خەرجكرینە، واتە ل گۆرەی لێكدانا ژمارا گەشتیاران ل گەل گۆژمێ وی پارەی، دبیتە نێزیكی 24 ملیۆن دۆلاران.
د. خەیری عەلی ئۆسۆ، رێڤەبەرێ گشتی یێ گەشتوگۆزارێ ل پارێزگەها دهۆكێ راگەهاند: د هەر چوار رۆژێن جەژنێ دا 96 هزار گەشتیاران سەرەدانا جهێن گەشتیاری یێن پارێزگەها دهۆكێ كرینە و پتریا وان ژ پارێزگەهێن ژێری و ناڤەراستا ئیراقێ بووینە و گۆت ژی: هەر گەشتیارەكی د چوار رۆژێن جەژنێ دا نێزیكی 250 دۆلار ل دهۆكێ خەرجكرینە، واتە ل گۆرەی لێگدانا ژمارا گەشتیاران ل گەل كۆژمێ وی پارەی، دبیتە نێزیكی 24 ملیۆن دۆلاران.
رێڤەبەرێ گشتی یێ گەشتوگۆزارا پارێزگەها دهۆكێ گۆت ژی، ئەو پێشبینی دكەن حەتا 5ێ ڤێ هەیڤێ ژمارا گەشتیارێن دهێنە پارێزگەها دهۆكێ سەد هزار كەسان دەرباز بكەت و گۆت: د ماوێ 10 رۆژان دا پێشبینی دكەین پتری 100 هزار گەشتییار سەرەدانا دهۆكی بكەن ”ل جەژنا رەمەزانا ئەڤ سالە ژی پتری 75 هزار گەشتییار هاتینە دهۆكێ و ل سالا بوری دو ملیۆن و 500 هزار گەشتیار هاتبوونە پارێزگەها دهۆكێ و ئەڤ سالە ئەم هەموو بزاڤان دكەین پتر ژ سالا بۆری گەشتیار بهێنە دهۆكێ” هەر ژ عێراقێ و وەلاتێ توركیا ژی».
رێوار محەمەد رەشید پەیڤدارێ رێڤەبەرییا گشتی یا گەشت و گوزارێ ل پارێزگەها دهۆكێ گۆت: ب رەنگەكێ بەردەوام تیمێن وان پێشوازیا گەشتیارا دكەن و هەروەسا وان سەرەدانێن مەیدانی كرینە ل جهێن گەشتییاری ل قەزایێن ئامێدییی و شێخان و ئاكرێ و پرانیا وان جهێن گەشتییار سەرەدانا وان دكەن” هاڤینگەهێن قەزا ئامێدییێ و ئاكرێ بووینە” دیسان وان دووڤچوون ل سەر ئاستێ پێشكیشكرنا خزمەتگۆزارییان ل جهێن گەشتیاری یێن پاریزگەها دهۆكێ كرینە و ب رەنگەكێ گەلەك باش خزمەتا گەشتیاران ل دهۆكێ هاتییە كرن و 900 بنگەهـ و 250 هاڤینگەهێن گەشتیاری خزمەتا گەشتیاران ل سەرانسەری پارێزگەها دهۆكێ دكەن و هەروەسا ئەڤ سالە 10 بنگەهێن دیتر یێن گەشتییاری ل دهۆكێ دا هاتینە ڤەكرن.
