د دووماهیا سالێ دا، پرسیار و بڕیار!
د. سالار عوسمان
مرۆڤ زیندهوهرهكێ پرسیاریه، د دهمێ ژ دایكبوونێ دا و حهتا دمرێت، بهردهوام پرسیار دكهت، پرسیار دهربارهی ههموو تشتهك، بوون و ژیان، ژیان و نهێنیێن وێ، بۆ بهرسڤدانان ژى، دهست بۆ ههموو سهرچاڤهیان دبهت، كهواته ههموو پرسیار یێن د حهلالن و ههموو لێگهڕیانهك ژى حهلالتر!..
مرۆڤ ل سایا بهرسڤان دا ههست دكهت، كهواته ژیان پێكهاتیه ژ پرسیار و ئاسوودهیی ژى ل ناڤ بهرسڤان دا، پرسیارا ژدل ئهڤهیه: مرۆڤێ بێ پرسیار ههیه؟!.. یانژی باشتر بێژین: ئهوێن پرسیار نهبن كینه و چاوا پێناسهیا وان بكهین؟!.. من پێ وهیه مرۆڤێ مهزن پرسیاركارهكا مهزنه و ئهوێن پرسیارێن زۆر ژى ههنه خودان بیركرنهكا مهزنن، كهواته پرسیار یا د گهل مرۆڤى دا، یا د گهل ژیانێ دا و بۆ كیڤه بچین پرسیارههڵگر، د ڕامامانێ دا ڕووبهڕووێ كۆمهكا پرسیارێن دیتر دبینیت!.
ئهڤ دهسپێكه، دهرازینكهكه حهتا بپرسین: سال چیه، ئهرێ وهكو سال تهمام دبیت، دووماهیا سالێ چیه؟، سالا نوو رامانا وێ چیه و ئهم مرۆڤ چاوا ژ حیكمهتا دهربازبوونێ زهمهنى تێدگههین و ئهرێ ب رژدى ئهم دێ زانین كو زهمهن بهرپرسیاتی یه؟!..
جڤاكێ كوردی جڤاكهكێ فۆرمی یه و كێمتر دچیته ناڤ ناڤهڕۆكێ، جڤاكهكێ ئاسۆی یه و كێمتر ستوونی، ب واتایهكا دیتر جڤاكێ كوردی كێمتر جڤاكهكێ پرسیاریه، كو دبێژم پرسیار، پتر مهبهستا من ڕهههندا فهلسهفی یه!.. پرسیارهكا دیتر: چ بكهین حهتا ئینسانێ كوردی ببیته ئینسانهكێ پرسیاری یه؟.. ب دیتنا من دڤێت ژ كلتوورى ڤه دهسپێبكهین، كلتوور ب مانا بهرفرهه یا گشتگیره، وهكو ئایین و سیاسهت و ئابووری ژى گهل خوه دا كۆمدكهتهڤه.
ل گهل هاتنا ههر سالهكا نوو دڤێت بپرسین:
ـ سالا مه چاوا ب ڕێكر، دهستكهفت چبوو، مه ب چو شكستن بدهستڤهئێنا، هۆكار چنه؟.
ـ سالا نوو چ بكهین، پلانا مه چیه؟، چونكو دهسكهفتێن مه پتر بكهین و ئاسوودێ ژ شكهستنێ وهربگرین و ههله و شاشیان دوبارهیان نهكهینهڤه؟..
ـ چاوا سالا نوو جوانتر و بهرههمدارتر بكهین؟..
ههكه بهرسڤا ڤان پرسیارانه ب واقیعی، واته دوور ژ پاساوئێنانێ بدهینهڤه، دێ گههینه بڕیارێ، كهواته دڤێت بڕیارێ بدهین.
مرۆڤ، زیندهوهرهكه د ناڤبهرا پرسیار و بڕیارێ دا !..
ب ڤێ تێگههشتنێ، مرۆڤێ نوو دڤێت كائینهك بیت خودان پرسیار و هێزا بڕیارێ بیت، كهواته مرۆڤ ئیرادهیه، د ههر پرسیارهكێ دا و د بهرسڤدانا ههر بهسڤهكا خوه دا و ههروهسا د ههر بڕیاردانهكێ دا، مرۆڤ كوتلهیهكه ژ ئیرادێ، كهواته ئیراده دڤێت ب شووناس بۆ ئینسانان، ئێدى ژیان د ههبوونا ئیرادێ دا مهعنادارتر و بهرههمدارتر دبیت!..
