د دو رۆژێن ئێكێ ژ دایكبوونا زارۆكی دا پێدڤیە پشكنینەك بۆ بهێتە كرن
ئەڤرۆ
بەرپەرێ ساخلەمیێ:
د.عبدلمەتین عبدالرحمان شكری، تایبەتمەندێ نەخۆشیێن زارۆكان دیاركر كو پشتی 48 سعەتا ژ دایكبوونێ زارۆكان پێدڤی ب پشكنینەكی َهەیە كو دێ سێ چپكا ژ پێن زارۆكی وەرگرن و دێ تاقیكەت و كۆمەكا نەخۆشیێن دناڤ لەش و خوینا واندا دێ دیاڕبن و گۆت: ئەم دبێژینە ڤان نەخۆشیان یێن بەرزە و ئاریشە ئەوە هەكە ل پاشەرۆژێ دیاربوون دێ چارەسەریا وان یا ب زەحمەت بیت، بۆ نموونە رژینا پەریزادێ (غودە)، كو هەكە ل دو رۆژێن ئێكێ نەهاتە دیاركرن ب رێكا پشكنینان و پشتی هینگی دیاربوو دێ ئاریشا بۆ زارۆكی پەیداكەت و كارتێكرنێ ل مەژیێ زارۆكی كەت و دلی و هناڤا و گەرماتیا لەشێ وی و وەرارا زارۆكی و هندەك ژڤان ئێدی چارەسەر ژی نابن و كارتێكرن و شوونوارێن وێ دێ هەتا هەتایێ مینن و گەلەك نەخۆشیێن دی یێن ب ڤی شێوازی دیاردبن، لەورا گەلەكا گرنگە پشتی بوونا زارۆكی ب 48 سعەتا دایباب پشكنینا (غربلێ) یان دبێژینێ (MBS) بۆ زارۆكی بهێتەكرن و گۆت: ئەڤ سیستەمە ل گەلەك وەلاتێن جیهانێ دهێتە پەیرەوكرن و زارۆكێن وان هەموو دهێنە پشكنینكرن داكو ئاریشێن وان زوو بهێنە دەستنیشانكرن و چارەسەركرن بێی كو ئاریشێن مەزن بۆ پەیداببن.
