د راگەهاندنا كوردی دا پتر گرنگی ب كچان دهێتە دان
بێوار حەمدی:
مەدیاكار (سامان سەلیم) د دیدارەكێ دا بۆ رۆژناما ئەڤرۆ گۆت: كاركرن دبۆارێ راگەهاندنێ دا حەزا منا بچووكاتیێ بوو، لەورا هەر ژ 2003 من دەستپێكر و نوكە ل دەزگەهێ دەلال تیڤی یێ رەوشەنبیری و راگەهاندنێ ل زاخۆ بەردەوامیێ ب كارێ خوە ددەم، هەروەسا ل رادیۆیا زاخۆ ژی پێشكێشكارم.
هەروەسا گۆت: ب دیتنا من نوكە د راگەهاندنا كوردی دا پتر گرنگی ب كچان دهێتە دان و ئەز دبینم بتنێ ژبەر وێ چەندێ یە داكو زیرەكی بۆ كچان چێببیت، ئانكو ئەڤە وێ چەندێ ناگەهینیت كو كوڕ هاتیە پشتگوهخستن و تشتێ گرنگ بۆ من ئەوە ئەز بشێم ببمە زمانحالێ خەلكەكی و گازندە و داخوازیێن وان ب مەرەما چارەسەركرنێ بگەهینمە جهێن شۆلەژی و ب لێبۆرین ڤە دێ بێژم نوكە گەلەك ڤالاهی دناڤ كەنالێن راگەهاندنێ دا هەنە و دڤێت بهێنە پركرن، هەروەسا گەلەك كەنالان هەنە بتنێ وان دڤێت بۆ خوە بینەران پەیدا بكەن.
