د روودانه‌كا هاتنوچوونێ دو كه‌سان گیانێ خوه ژ ده‌ست دا
ئاكرێ، ره‌مه‌زان زه‌كه‌ریا:
دوهی ئێڤاری ل سنوورێ ناوچه‌داریا رۆڤیا یا سه‌ر ب ده‌ڤه‌رداریا به‌رده‌ڕه‌ش ڤه و ژ ئه‌نجامێ وه‌رگه‌ڕیانا ترۆمبێله‌كا ژ جۆرێ پیكاب پێنج كه‌س بوونه قوربانی.
عه‌قید ئازاد ته‌ها، په‌یڤدارێ رێڤه‌به‌ریا هاتنوچوونا پارێزگه‌ها دهۆكێ بۆ ئه‌ڤرۆ گوت: “دوهی ئێڤارێ ل ئۆڤه‌رپاسا گوندێ سێگردك ل سنوورێ ناوچه‌داریا رۆڤیا یا سه‌ر ب ده‌ڤه‌ردایا به‌رده‌ڕه‌ش ڤه روودانه‌كا ترافیكێ ژ جۆرێ وه‌رگه‌ڕیان روو دا، ترۆمبێله‌كا ژ جۆرێ پیكاب وه‌رگه‌ڕیا پێنج كه‌س د ناڤ دابوون و د ئه‌نجم دا دو كه‌سان گیانێ خوه ژ ده‌ست دا و سێ كه‌س ژی برینداربوون”.
