د روودانەكا هاتنوچوونێ دا پێشمەرگەیەكی گیانێ خوە ژ دەست دا
د روودانەكا هاتنوچونێ دا ل سنوورێ ناوچەداریا بامەرنێ پێشمەرگەكی د ئەركێ خوە دا گیانێ خوە ژ دەست دا.
ئێك ژ هەڤالێن وی ب ناڤێ عوبەید بۆ رۆژناما ئەڤرۆ دیار كر، دوهی 3/7/2023 ژ ئەنجامێ وەرگەڕیانا ترۆمبێلێ ل سنوورێ ناوچەداریا بامەرنێ ل دەڤەرداریا ئامێدیێ ئێك ژ پێشمەرگەیێن وانا گیانێ خوە ژ دەست دا و گۆت: «ئەڤی پێشمەرگەی ب رێكا تانكەری ئاڤ ل گوندێ شێخ مەما بۆ رەبیێن پێشمەرگەی ل بانك و ئەرزان ڤەدگوهاست، دوهی سپێدێ دەمێ ئینانا ئاڤێ د ناڤا گەلیێ دهێ دا ترۆمبێلا وی ل بن كونترۆلا وی دەردكەڤیت و وەردگەڕیت، وی بزاڤ كر خوە د ترۆمبێلێ دا بهاڤێژیت، لێ مخابن ل سەر سەرێ خوە دكەڤیت و ئێكسەر گیانێ خوە ژ دەست ددەت».
ناڤێ وی پێشمەرگەی (رێبەر عومەر)ە و ئاكنجیێ باژێرێ زاخۆ بوویە و ژییێ وی 41 سال بوون و خێزاندار بوویە.
