د روودانەکا ترافیکێ دا دو کەس برینداربوون
ئەڤرۆ نیوز ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیارکر:ئەڤرۆ د روودانەکا ترافیکێ دا دو کەس برینداربووینە.
ناڤهاتی ئەو یەک ژی دا دیارکرن،ئەڤرۆ روژا پێنجشەمبی ٢٠١٨/٣/٢٩ ل دەمژمێر ٢:٣٠ پشتی نیڤرۆ ل جادا سەرەکی یا دناڤبەرا شێخان بۆ کۆمەلگەها چرەی دا و ل سێریانا ناحیا کەلەکچی روودانەک روودایە ژ جورێ لێکدان دناڤبەرا دو ترومبێلاندا،کو ترۆمبێلەک ژ وان هوندا تایبەت ئەلنترا بوویە ل گەل ترۆمبێلەکا بارهەلگر و گوت ژی،د هەمان دەمدا ترۆمبێلا بارهەلگر توشی وەرگەریانێ دبیت و د ئەنجامدا دو کەس بریندار بوون و زێدەباری زیانێن ئابووری ژی بەر ب هەردو ترۆمبێلان کەفتینە.