د روودانەکا ترافیکێ دا وەلاتیەکێ گیانێ خوە ژ دەستدا
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن : د روودانەکا هاتنوچوونێ دا کەسەکێ گیانێ خوە ژ دەستدا.
ناڤهاتی زێدەتر دا دیارکرن: ئەڤرۆ چارشەمبی 25.7.2018 ل دەمژمێر ( ٥:۰۰) سپێدێ سەر جادا گشتی یا دناڤبەرا ناحیا رووڤیا و پرا حسێنیێ و ل نێزیک گوندی (سێگردک) روودانەک دناڤبەرا دو ترومبێلاندا روودایە،کو ترۆمبێلەک ژ وان BMW تایبەت و ترێلەکا تورکی و د وێ روودانێدا کەسەکێ گیانێ خوە ژ دەستدایە و کەسەک ژی ب گرانی بریندار بوویە.