د روودانەکا ترافیکێ دا کەسەک ب گرانی بریندار بوو
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن: شڤێدی د روودانەکا ترافیکێ دا شۆفێرەک ب گرانی برینداربوویە و هاتیە رەوانەکرن بۆ نەخۆشخانێ.
ناڤهاتی زێدەتر گۆت: ل شەڤا دوشەمبی 2018/9/3 ل دەمژمێر (10:00) ب شەڤ ل ناڤا سەنتەرێ زاخۆ ل نێزیکی مزگەفتا جۆدی روودانەک پەیدابوو، کو ترۆمبێلەکا تەکسی کرۆلا خوە ل ماتورسکلەکێ دا و د ئەنجامێ ڤێ روودانێ شوفێرێ ماتورسکلێ ب گرانی بریندار بوویە، هەروەسا زیانێن مادی ب ترۆمبێلا تەکسی و ماتورسکلێ ژی کەفتینە.
