د زیندانێن بەعسیان ژی دا مە باجا كوردینیێ ددا
سالار محەمەد دۆسكی:
1- 5
زیندانیێ سیاسی( عەبدولحەمید ئسماعیل عەبو) ژ دایك بوویێ سالا 1957 خواندنا خوە یا سەرتایی و ناڤنجی ل باژێرێ مویسل ب دووماهی ئینا، و دوڤدا خواندنا ئامادەیی و زانكۆ و باوەرنامەیا ماستەرێ ل بەریتانیا و پاشان پشتی ڤەگەریایە كوردستانێ باوەرنامەیا دكتورایێ دناڤبەرا زانكۆیا دهۆك و زانكۆیەكا بەریتانی من وەرگرت.
زیندانیێ سیاسی( عەبدولحەمید ئسماعیل عەبۆ) د دیدارەكا تایبەت دا ل گەل رۆژنامەیا ئەڤرۆ گۆت: ل سەر دەمێ حزبا بەعس مالا ل مویسل بوو، و بەرامبەر بارەگایێ لقێ پارتی بوو، مرۆڤەكێ مە ل لەقێ دەوام دكر ناڤێ وی (شەعبان) بوو و بەرپرسێ بەریێ زاخۆ بوو و رۆژانە ئێڤارییا ئەو و ل گەل چەندین هەڤالێن خوەیێن لەقێ ل جڤاتا بابێ من بوو ل مال و برایێ من سەرپەرشتیا قوتابیان كر، وەك ئێكەتیا قوتابیێن كوردستانێ و هاتن و چوون گەلەك هەبوو، گەلەك جاران چوویمە بارەگایێ لقێ مویسل و من ل سەر داخازا بابێ خوە داخوازكرینە بهێنە مالا مە شیفێ یان هەر كارەكی وی دەمی گەلەك چاڤدێری ل سەر بارەگایێ پارتی دیموكراتی كوردستان ل مویسل هەبوو و بابێ من ئەو چوونە لقێ لێ نە گلەك چونكە وەك پێشتر من ئاماژە پیكری گەلەك دیفچوون ل سەر هەبوو لەوما گەلەك هاتن و چوون ب رێكا من دهاتەكرن بۆ هەر كارەكی دناڤبەرا هەر دو ئالیان دا و دەرگەهەك ل كولانێ دا هەبوو و پیچەكێ یا دوور بوو و زێدەتر هاتن و چوونا من وی دەرگەهی دا بوو و هەتا چوومە دەف مرۆڤێ خوە كاك (شەعبانی) كاودانێن مە تێكچوون پشتی بەیانا 11ی ئادارێ و چاڤدێی كەفتە سەر مالا مە و حزبا بەعس ب هەمی رێكان هات ئیزعاجا مە بكەت، جارەكێ هاتن مالامە و گۆتن چۆلكەن ەم دێ هاڤێینە جهەكی و ئەڤە بتنێ هێجەت بوون و بیرا من دهێت جارەكێ كاك (شەعبان) چەند هەڤالێن لقێ و نوزانم كاك (فازل) ل گەل بوو یان نە هاتنە مالا مە و جیرانێن مە وی دەمی (چەتە) بوون و شكائێت ل مالامەكرن و گۆتن پێشمەرگە دهێنە ڤێ مالێ و ئەڤجا برایێ من ژ من خواست بچمە بانی و سەحكەمە بارودۆخی ل دەردۆرێن خانیێ مە و پشتی چوویمە بانی من پۆلیس دیتن ل سەر بانێ خانیێ مە و ترۆمبێلەكا هەوارهاتنێ ل گەل چەندین پۆلیسان ل بەردەرگەهێ مە یا راوستیایی بوو و هەر هەمی گڤاشتن و ئێخباری ل سەر مەدهاتنەدان بۆ ئەمنێ و حزبا بەعس كاودانێن مالا مە بگشتی گەلەك دنەخۆش بوون و هەتا ل قوناغا خواندنێ وی دەمی قوتابی بووم گەلەك یزعاج و دیفچوونەكا هوویر ل سەر من دهاتەكرن، هەتا ل سەنگەرێن شەرێ ئیراق و ئیرانێ ژی دەمێ بوویمە لەشكەر ل سەنگەرێن پێشیێ هەر شەف چالاكی دهاتنەكرن و رەنگە نیڤا شەڤێ مە گولە هاڤێت بان و جارەكێ ئەم هاتینە ئاگەهداركرن كو دێ ئەف شەڤە چالاكی هەبن ئانكو دێ گولان هاڤێژین و ئەفسەرەك ل گەل مە بوو و خەلكێ باژێرێ (كوت) بوو و ناڤێ وی (محەمەد عەناد) بوو وی كەسێ ئەم ئاگەهداركرین و ئەفسەرێ مە یێ پێشتر من ناڤێ وی دیاركری گۆتێ ئەڤە (عساتە) هشیاربی باوەری یا هەوە پێ نەهێت و یا ئاشكرابوو كو راپورت ل سەر من هەبوون وی دەمی ژی و دژیانا خوە دا ل باژێرێ مویسل سێ هەتا چارجاران هاتینە دەستەسەكرن و بیرا من دهێت دەمێ ئەمریكا درب ل ئیراقێ دان ئەمنا مویسل ئەم دەستەسەردكرین و تایبەت ئەڤە ل سالێن نوتان بوویە و دەمێ تیمێن نەتەوێن ئێكگرتی دهاتنە ئیراقێ و ل چەكێ كێمیاوی دگەریان هەوالگێریا ئیراقێ ئەم دەستەسەردكرین، مێژوویا ئێكەم گرتنا من ژلایێ حزبا بەعس ڤە بۆ دەسپێكا سالێن هەشتێیان ڤەدگەریت و مێژوو ب دروستی ناهێتە بیرامن لێ دناڤبەرا سالێن 1981 – 1982 كاودانێن لەشكری ل ئیراقێ گەلەك تێكچوون و ئەم تیمەما لەشكری بووین یا پاراستنا باژێرێ بەغدا گرێدایی دەبابا و كەسەك ل گەل مە بوو و سەركردایەتیا وێ هێزێ دكر و تكریتی بوو و زاڤایێ (حەنان عەبدلغەفار تكریتی) بوو ئەوێ سەدامی كوشتی ل تكریتێ، وی كەسی هند ڤیانا وی ل سەر صەدام حسێنی نەبوو چونكە ل دووماهیێ هاتەسێدارەدان و هەر دەما لەشكر شكەستی ئەو هێزا لەشكری دهاتە رەوانەكرن و چەندین جاران ئەو هێز هاتە ناڤ بەغدا و گەلەك جاران هاتینە سەنگەرێن پێشیێ شەری وەك (قسر شرین، عمارا، بەسرا) ئەم زڤرینە ڤە و جارا دووماهیێ گۆتن دڤێت چەكی بدانن و چەك نابیت نە ل دەبابا دابیت و نە ل گەل لەشكری و نابیت خوە ئێك لەشكر ژی گولەك ل گەل دا هەبیت و ئەم ئیناینە (جەلولا) ئەو هێزا لەشكری هاتە پوچكرن و هەر چەند كەسەك هاڤێتنە جهەكی و ل بەغدا پەیا بووم و چەند رۆژا ئامادەنەبوم و هاتمە باژێرێ مویسل و من هزر ل بابەتەكی هەبوو و دوڤدا من پررسیاركر گۆتن چ كێشێن گرنگ نینن كو ببیتە ئەگەر بچی پەیوەندێ بكەی و گۆتن بزڤرە (وحدێ) ل دەمێ زڤرینێ كو دووبارە پەیوەندیێ ب (وحدێ) بكەم ئێك ژ هەڤالێن منێن لەشكر هاتە بەرامبەر من و گۆت (عەبدولحەمید) تو ل كیڤە بووی؟ من گۆتێ چووبمە مالێ گۆت هشیاربی چونكە ئەفسەر نوكە د دیفچوونێ دانە و توهمەك هاتیە دروستكرن و یێ هشیاربی و هێدی هێدی هەرە و بلا كەسەك نوزانیت تو چو بوووی.
