د زیندانێن بەعسیان ژی دا مە باجا كوردینیێ ددا
سالار محەمەد دۆسكی:
2- 5
پشتی ڤێ روودانێ تومەتك بوو من دروستكرن و گەلەك جاران هندەك كەس دێ بێژن گەلەك قوتایمە و ئەز نەشێم ڤێ پرۆپاكندێ بكەم، و رێز گەلەك ل من دهاتەگرتن ل زیندانێ و ئێكەم رۆژا هاتیمە دەستەسەركرن من شیف نەخار بوو و رۆژا دووێ خوارنەك بوو من ئینا و ئاڤ دا من و هەتا من نەشیا خو ب قولپینم دناڤ جهێن خوە دا و ئەو خوارن ژەهەركربوو و مامە ل ئەڤان كاودانان دا هەتا ماوەكی، دوڤدا پشتی ژ زیندانێ هاتیمە دەركرن من قەستا نوژدارێن تایبەتمەندكر و من دەست ب چارەسەریا خوە كر، و دەمێ هاتیمە زیندانكرن ل هەوالگێریا فرقا (10) بووم و نەهاتمە حوكمكرن، جارا دووێ هاتمە دەستەسەركرن رەنگە من نەڤێت ڤی بابەتی بێژم و ئەڤە سەرا كێشەكا نامیسێ بوو، و ژنكێن كورد ئینابوون ل قەزا (كۆت) ل عومارا ب 20 دینارێن ئیراقی دفرۆتن، و دادگەه ل (كۆت) هەبوو چونكە پێشتر دو هەڤالێن من یێن شیعە (حسێن و قەدر) هەر دو ل دادگەها (كۆت) سزایێ سێدارەدانێ بۆ دەرچوو، و هاتنەسێدارەدان، دەمێ هاتیمە دەستەسەركرن من هندەك وێنە وەك بەلاڤووك دروست كربوون كو وێنێن (ئەمریكا) بوون، و هەمەرەنگە بوون و دیسا من دوكاریكاتێر ل سەر (صەدام حسێن) و (تاها یاسین رەمەزان) دروستكربوون و دو فرچە من كربوونە دزكێ (تاها یاسین) رەمەزانی و دەمێ هاتیمە دەستەسەركرن ئەڤ بەلگە د دەستێ من دابوون، و گەلەك ئاخفتن گۆتن ل گەل گرتنا من و هەر ئێكی ب رەنگەكی تشتەك دگۆت و ئێكی دگۆت دێ پارچە پارچە كەین، و هەر ئێكی ب شێوەكی تشتەك دگۆت یێ ئەز دەستەسەر كریم عەمید( خدر العامری) بوو وی دەمی ئامرێ كولیژا لەشكری بوو، و هاتبوو كربوو ئامر ل دەف مە و دوڤدا ب بوو وەزیرێ بازرگانی وی دگۆت دێ تە ڕەوانەی بەغدا كەم دێ ل بەغدا دانپیدانێ كەی و ل ڤێرە دانپیدانێ ناكەی، من بەلاڤووك دروستكربوون بەلێ رێكخستن نەبوو و ئەو بەلاڤووك د دەستێ من دا هاتبوونە گرتن، و من ل سەر كاغەزەكێ نڤێسیی بوو سێدارەدانا (سەبیح عمران) ئەڤ كەسە سەركردەكێ فرقا لەشكری بوو و ئەڤە ژی ب بوو بەلگە ل سەر من و دەمێ هاتیمە دەستەسەركرن، شەڤا ئێكێ گەلەك هاتمە ئێشاندن و قوتان و شەڤێ تبلێن خوە دكرنە دناڤ حەفكا من دا و تینانە خوارێ و پشتا چاڤێن من و شەڤا ئێكێ سپێدێ رابووم گەلەك وەرمت بووم و هەر دەم ل دەمێ ئەشكەنجەدانێ قەسام ل سەر من كێشان و دانپیدانێ بكە و دانپیدانێ بكە و جێگرەكێ ئەفسەرا هەبوو دگۆتنێ(ئسماعیل) ئەوی سەرپەرشتی ل سەر ئەشكەنجدانا من دكر و ل دووماهیێ ئەو ژی ب دەستێن شیعا هاتەكوشتن، و ئەڤە ل سەنگەرێ شەری بوو و ئێك ژ ئەوان كەسێن ڤەكولین ل گەل من دكر لیوا بوو ل لەشكرێ سوریێ وكێ ئەو كەس ئینابوو وێرێ و من زانی ئەڤە سوری نە چونكە ژ ئاخفتنێ یا دیاربوو و چ پەیوەندی ا هەوالگێریا سوری ب من ڤە هەبوو، هەمی دەمێن هاتیمە دەستەسەكرن گونەهامن ئەو بوویە تابلۆێن هونەری بووینە كاریكاتێر بووینە كو بەرەف دیموكراتیێ بچین دژی دكتاتوریەتێ بووینە و ئەف كارێن هونەری من ل سەنگەری ئەنجام دان و دەمێ دهاتمە دەستیردانێ ژی هەر ل مال من ئەف كارێن هونەری ئەنجامدان و دەمێ هاتیمە دەستەسەكرن ئێكی گوستیرامن بۆ خوە بر و ئێكی جزدانكا من و ئێكی دەمژمێرا من بخوە بر و ئەفە هەوالگێریێ بخوە بر و هەتا جانتێ من یێ دبلوماسی بر، پشتی ئەشكەنجەدانەكا زوور وەك پێشتر من ئاماژە پێكری كو لەشێ من وەرمت هاتمە رەوانەكرن بۆ نەخوشخانا لەشكری یا (عمارە) وی دەمی نەقیبەك ل نەخوشخانێ بوو و گەلەك ژ رەفتارێن هەوالگێریێ عاجز بوو و گۆت ما ئەڤە نەئیراقی یە؟ ما نە ئێك ژ لەشكرێن ئیراقێ یە ل گەل هەوە بەرەڤانیێ ژ ئەڤێ ئاخێ دكەت؟ هوون نەموسلمان بۆچی هەوە وەل ڤی كەنجی كریە؟ هەوە چ ژی دڤێت و من گۆت ئەز یێ چوونێ مە و ئەڤ ئەفسەرێ بەرەڤانیێ هوسا ژمن دكەت دێ دووف من دا هێت وگەلەك بەرەڤانی ژمن كر و گۆت چارەسەریا وی ناكەم و چارەسەریا ڤی ل بەغدا یە و كاودانێن من گەلەك نەخوش بوو، دوڤدا ئەو كەسێ گۆتی دێ تە رەوانەی بەغدا كەم دا دانپیدانێ بكەی ڕەوانەی بەغدا كرم ل پشكا پێنجێ و من هەژمارتیە (28) رۆژا مامە ل پشكا پێنجێ و ل دەسپێكێ گەلەك قوتام و ئێشاندم و دەمێ ئێڤاری رۆژا ئێكێ بریمە وێرێ نوزانم یان هەوالێگریا كوچكا كوماری بوو یان هەوالگێری بخوە بوو بیرا من ناهێت هندەك پرسیارێن ب ساناهی ژ من كرن، و دوڤدا روانەی پشكا پێنجێ هاتمەكرن ڤە، و دوڤدا بۆ چەندین جهان هاتمە ڤەگوهاستن، و دوڤدا مام نێزیكی چار هەیڤان و رۆژانە دگۆتە من سزایێ تە سێدارەدانە، رۆژەكێ ددانێ من گەلەك ئێشا و من داخوازا چارەسەریێ كر و برم ددانێ من ئینادەرێ و من هەست پێكر ددانێ من بێ پەنج ئینادەرێ، دەستەسەركرنا من ئانكو گونەها من یا ئێكێ كورد بووم و یا دویێ دوڤدا كا ڤی چ كریە؟ ئانكو كورد بوون جەریمە بوو ل زیندانا ئەبو غرێب دەمێ كورد سێدارەدان گولەیێن كەیفێ بەرەف ئەسمانی دهاڤێتن و دگۆتن كەیف و خوشی یە، (صەدام حسێن) مرۆڤەكێ دكتاتور بوو ل گەل عەربا بەلێ ل گەل مللەتێ كورد دكتاتور و دەمارگیر بوو، ل دەمێ زیندانكری نێزیكی چار هەیڤان برایێ من هاتبوو وێ (وحدا) زیندانكری و مرۆڤەكێ مە ل گەل بوو و گۆت ئەو كەسێ راپورت ل سەر برایێ من نڤێسین دێ وی كوژم.
