د سالا بۆری دا 399 پڕۆژه ل دهڤهرداریێن پارێزگهها دهۆكێ هاتینه ئهنجامدان
ئهڤرۆ، نهوزاد هلۆری:
ب مهرهما خزمهتكرنا وهلاتیان و دابینكرنا پرۆژێن خزمهتگوزاری، د سالا بۆری دا ل دهڤهرداریێن سهر ب پارێزگهها دهۆكێ ڤه 399 پڕۆژێن جودا ب گوژمێ 127 ملیار دیناران هاتینه ئهنجامدان.
مللهت عسمهت، سكرتێرێ رۆژنامهڤانی یێ پارێزگارێ دهۆكێ گوت: (د سالا بۆری دا ل سنوورێ ههر شهش دهڤهرداریێن سهر ب پارێزگهها دهۆكێ ڤه 399 پڕۆژێن جۆراوجۆر یێن خزمهتگوزاری ب گوژمێ پتری 127 ملیار دیناران هاتینه ئهنجامدان).
زێدهتر گوت: (ل دهڤهرداریا دهۆكێ 105 پڕۆژه ب گوژمێ 77 ملیار 871 ملیۆن و 795 هزار و 699 دیناران هاتینه، ل دهڤهرداریا سێمێلێ ژی 56 پڕۆژه ب گوژمێ 19 ملیار و 79 ملیۆن و 283 هزار و 644 دیناران، ل دهڤهرداریا ئاكرێ 39 پڕۆژه ب گوژمێ 18 ملیار و 327 ملیۆن و 49 هزار و 490 دیناران، ل دهڤهرداریا بهردهڕهش 50 پڕۆژه ب گوژمێ 14 ملیار و 52 ملیۆن و 729 هزار و 330 دیناران، ل دهڤهرداریا شێخان 60 پڕۆژه ب گوژمێ 18 ملیار و 127 ملیۆن و 663 هزار و 349 دیناران و ل دهڤهرداریا ئامێدیێ ژی 78 پڕۆژه ب گوژمێ پتری 18 ملیار و 408 ملیۆن و 837 هزار و 883 دیناران هاتینه ئهنجامدان).
