د سالا نوو دا دێ هژمارەكا ستران و كلیپێن نوو بەلاڤكەت
زنار تۆڤی:
سترانبێژ (رۆژبین كزل) كوخەلكا باژێرێ مێردینێ یە ل باكورێ كوردستانێ و ئەڤە چەندین سالن ل وەلاتێ ئەلمانیا دژیت، د دیدارەكێ دا بۆ رۆژناما ئەڤرۆ دبێژیت: ل رۆژێن بۆری من سترانەكا نوو ب ناڤێ (ئەز ژتە حەزدكەم) بەلاڤكریە، وێ ئەو ستران ل باژێرێ نسێبینێ هاتیە كلیپكرن، برایێ من (زانا) ب ب هەڤكاریا خویشكا من (فەهیما) ب كارێ وێنەكرن و دەرهێنانا وێ رابووینە و هەتا نوكە من هژمارەكا سترانێن دویت گۆتینە.
ناڤهاتییێ گۆت: نوكە چەندین ستران و كلیپ لبەر دەستێ من هەنە و بۆ سالا نوو دێ هندەك ژ وان بەلاڤكەم و د نوكە دا ئەز پتر حەز ژ سترانێن سینگل دكەم و هەتا ئەڤرۆ من هزر د هندێ دا نەكریە چو ئەلبۆمێن سترانان تۆماربكەم، هەروەسا مالباتا من گەلەك پشتەڤانیێ ل كارێ من یێ هونەری دكەن و ب رەنگەكێ گشتی، د هەموو كارێن من یێن هونەری دا خووشك و برایێ من ل گەل من دانە و ئەڤ چەندە پشتگەرمیەكا مەزن ددەتە كارێ من یێ هونەری.
