د سالرۆژا دامه‌زراندنا پارتی دا، ناڤه‌ندا خانی یا ره‌وشه‌نبیری و راگه‌هاندنێ هژماره‌كا كادرێن خوه خه‌لاتكرن
دهۆك، شاكر ئه‌تروشی:
ب هه‌لكه‌فتا بۆرینا (75) سالان ل سه‌ر دامه‌زراندنا پارتی دیوكراتی كوردستان و ژدایكبوونا سه‌رۆك مه‌سعود بارزانی، دوهی سپێدی ب به‌رهه‌ڤبوونا چه‌ند ئه‌ندامێن نڤیسینگه‌ها ناڤین یا راگه‌هاندنا پارتی دیوكراتی كوردستان، ناڤه‌ندا خانی یا ره‌وشه‌نبیری و راگه‌هاندنێ ل دهۆكێ درێ و رسمه‌كێ ژ هه‌ژی دا هژماره‌كا كادرێن خوه ئه‌وێن بیست و پێنج سالان و پتر خزمه‌تا بێ ڤه قه‌تیان دوارێ راگه‌هاندنێ دا سه‌ر ب ناڤه‌ندنێ ڤه هه‌ین خه‌لاتكرن.
ل ده‌ستپێكێ (ئیحسان ئامێدی) به‌رپرسێ ناڤه‌ندا خانی یا ره‌وشه‌نبیری و راگه‌هاندنێ ل دهۆكێ، د په‌یڤه‌كێ دا گۆت: خۆشحالین ئه‌ڤرۆ درۆژه‌كا پیرۆزدا كو سالرۆژا دامه‌زراندنا پارتامه پارتی دیموكراتی كوردستان و ژ دایكبوویا سه‌رۆك مه‌سعود بارزانی یه هژماره‌كا كادرێن خوه یێن چالاك خه‌لات بكه‌ین، چنكو ئه‌ڤه ئه‌ون یێن كو پتری بیست و پێتج سالان بێ ڤه‌قه‌تیان ل ده‌زگه‌هێن سه‌ر ب ناڤه‌ندێ ڤه كاركرین و هه‌تا نوكه د به‌رده‌وامن، له‌ورا ئه‌ڤ هه‌ڤاله ژ هه‌ژی رێزلێنانێ نه و ئه‌م ده‌ست خۆشیێ ل وان دكه‌ین.
دووڤدا (عه‌مه‌ر به‌ركر) ئه‌ندامێ نڤیسینگه‌ها ناڤین یا راگه‌هاندنا پارتی، د په‌یڤه‌كێ دا پیرۆزباهی ل وان هه‌موو هه‌ڤالان كرن یێن هاتینه خه‌لاتكرن و كارێ وان ب بلند نرخاند، هه‌روه‌سا داخواز ژوان كر كو ل سه‌ر گه‌هاندنا په‌یاما خوه یا پیرۆز د به‌رده‌وام بن و بۆ هه‌لبژارتنێن بهێن یێن عیراقێ كارێ خوه ئه‌كتیف تر لێ بكه‌ن ژبۆ هندێ لیستا پارتی دیموكراتی كوردستان هژماره‌كا زۆرا كورسیان ل په‌رله‌مانێ عیراقێ ب ده‌ستڤه بینیت، چنكو هه‌بوونا په‌رله‌مانته‌رێن سه‌ر ب پارتی ڤه بۆمه ل عیراقێ گه‌له‌كا گرنگه، و مه‌باوه‌ریا هه‌ی په‌رله‌مانته‌رێن پارتی دێ شێن رۆله‌كێ ئه‌كتیڤ و گاریگه‌ر ژبۆ بده‌ستڤه ئینانا مافێن ره‌وایێن گه‌لێ كورد ل به‌غدا گێڕن.
ل دووماهیێ هه‌موو ئاماده‌بوویان سه‌را ئاژانسا خانی نیۆز دان و داخوازا سه‌ركه‌فتنێ بۆ خواستن و ل باغچێ ناڤه‌ندنێ ژی كێكه‌ك ب هه‌لكه‌فتا 16 ته‌باخێ هاته بڕین و شریناهی ل سه‌ر به‌رهه‌ڤبوویان هاتنه به‌لاڤكرن
