سه‌ره‌كى هه‌مه‌ره‌نگ د سالڤەگەڕا دامەزارندنا ئێكەتیا نڤیسەرێن كورد – گشتی دا ئێڤاریەكا هەلبەست خواندنێ...
د سالڤەگەڕا دامەزارندنا ئێكەتیا نڤیسەرێن كورد – گشتی دا ئێڤاریەكا هەلبەست خواندنێ ل دهۆكێ هاتە گێڕان
سندس سالح سلێڤانەیی:
ب هەلكەفتا بۆرینا (55) سالان ل سەر دامەزراندنا ئێكەتیا نڤیسەرێن كورد/گشتی، ئێكەتیا نڤیسەرێن كورد/لقێ دهۆكێ، دوهی رۆژا دوشەمبی رێكەفتی 10/2/2025 ئێڤاریەكا هەلبەست خواندنێ بۆ گەنجان ل هولا نڤیسەران گێڕا و هژمارەكا هەلبەستڤانێن گەنج ژ هەردو رەگەزان دوێ كوڕێ هەلبەست خواندنێ دا د پشكدار بوون و ناڤەرۆكا هەلبەستێن وان ل دۆر حەزژێكرنا ئاخ و وەلات و پێشمەرگەی و سروشتێ جوانێ كوردستانێ بوون.
بەری دەستپێكرنا وی كوڕێ هەلبەست خواندنێ بەرێز (حەسەن سلێڤانەیی) سەرۆكێ ئێكەتیا نڤیسەرێن كورد/لقێ دهۆك، ئەڤ هەلكەفتە ل هەموو ئەدیب و نڤیسكارێن كوردستانێ ب گشتی و یێن پارێزگەها دهۆكێ ب تایبەتی پیرۆزكر و دیاركر كو نوكە بەرهەڤیێن دهێنە كرن دا ل خزیرانا ئەڤ سالە كونگرێ گشتی یێ نڤیسەران بهێتە گێڕان.
