د سۆشیال مەدیایێ دا هەر كەسەك یێ بوویە پەیامنێر
مێهڤان مەجید، ئێك ژ راگەهاندكارێن باژێرێ زاخۆیە، د دیدارەكێ دا بۆ رۆژناما ئەڤرۆ دیاركر كو راگەهاندكارێ ئەكادیمی ل دووف رێسا و یاسایێن راگەهاندنێ دشێت پەیاما دروست بگەهینت و هەر كەسەك د سۆشیال مەدیایێ دا یێ بوویە پەیامنێر و سالا 2020 ب سالا زێرین د كاری دا دبینیت.
ناڤهاتی گۆت: ل سالا 2013 بۆ جارا ئێكێ ب رێیا نڤیسینان بۆ رۆژناما ئەڤرۆ من پێنگاڤێن هاتنا دناڤ راگەهاندنێ دا دەستپێكرن و هەتا سالا 2016 وەكو پەیامنێر من ل دهۆك مەدیا كاركر، بۆ دەمەكێ بەردەوام بوم، پاشی ل هندەك دەزگەهێن دی من كاركر و هەتا نوكە یێ بەردەوامم و سالا 2020 بۆ خوە ب سالەكا زێرین دبینم د راگەهاندنێ دا كو د دەمێ هاتنا كۆرۆنایێ دا مە شیا كارەكێ باش بكەین و زێدەتر بەرنیاس ببم، بۆ زانین ئەز دەرچوویێ پشكا رۆژنامەڤانیا ئەلیكترونی مە ل پولیتەكنیكیا دهوكێ و بەری نوكە دا ل دووف سیاسەتا كەنالان كار كەین بەلێ پشتی من شیایی باوەرناما رۆژنامەڤانیێ ب دەست خوە ڤەبینم ئێدی دێ باشتر ل دووف رێسا و یاسایێن رۆژنامەڤانی كاركەم و د نوكە هەر كەسەك بوویە پەیامنێر ب رێیا ئەكاوەنتێن تایبەت د سوشیال مەدیایێ داـ بەلێ رۆژنامەڤانێ ئەكادیمی جوداهیا خوە هەیە و دشێت ب شێوەیەكێ باشتر و زەلال تر پەیاما خەلكی بگەهینیت و كار ل سەر هندەك بابەتێن ژ هەژی تر بكەت.
