د سێ سالان دا 173 پرۆژە ل دەوروبەری دهۆكێ هاتینە ئەنجامدان
ژبلی وان كاودانێن دارایی یێن هەرێما كوردستانێ تێدا دەرباز دبیت و پەستویێن حوكمەتا عێراقێ ل سەر حكومەتا هەرێمێ، حوكمەتا هەرێما كوردستانێ ساڵ بۆ ساڵێ گرنگییەكا زۆرتر ب رێك و پران دایە و هەر ژ ساڵا 2020ێ و هەتا نوكە، 173 پرۆژە ل دەوروبەرێن دهۆكێ هاتینە ئەنجامدان. پارێزگەها دهۆكێ ژی ئامارێن فەرمی یێن پرۆژەیێن چێكرن و سەخبێركرنا رێك و پران ل دەوروبەرێن پارێزگەها دهۆكێ ب گشتی د سێ ساڵێن بوریدا د گەل ئەڤ ساڵە راگەهاندن.
پارێزگەها دهۆكێ هژمارەكا داتا و ئامارێن پرۆژەیان راگەهاندینە و ئاشكرا كریە، گوهورین و كار و خزمەت ژ بۆ رێیێن سەرەكی و لاوەكی و رێیێن گوندان دناڤ بەرا قەزا دهۆك بۆ دەوروبەرێن قەزا دهۆك ل سەر ئاستێ پارێزگەها دهۆكێ ب گشتی هاتینە كرن.
زێدەتر گۆت: د ساڵا 2020ێ دا 19 پرۆژە هاتینە ئەنجام دان ب كوژمێ 22 ملیار و 188 ملیون و 139 هزار و 413 هزار دینارێن عێراقی، ب وان پرۆژەیان خزمەتا 53 گوندێن پارێزگەها دهۆكێ هاتییە كرن، 12 ژ وان گوندان سەر ب قەزا ئامێدیێ بوون و گوندەك سەر ب قەزا شێخان و 5 گۆند ژی سەر ب قەزا زاخۆ، ل وی دەمێ كۆ سەر ب قەزا دهۆك ڤە بوو ژلایێ ئیداری، و ئێك گوند سەر ب قەزا دهۆك.
د ساڵا 2021ێ دا 81 پرۆژە هاتینە ئەنجام دان ب كوژمێ 59 ملیار و 811 ملیون و 784 هزار و 911 هزار دینارێن عێراقی، و ب وان پرۆژەیان خزمەتا 221 گوندێن پارێزگەها دهۆكێ هاتیە كرن 43 ژوان گۆندان سەر ب قەزا ئامێدیێ بوون و 10 گوند سەر ب قەزا شێخان و 8 گۆند سەر ب قەزا ئاكرێ و 20 گوند سەر ب قەزا دهۆك.
د ساڵا 2022ێ دا 72 پرۆژە هاتینە ئەنجامدان ب كوژمێ 25 ملیار و 704 ملیون و 451 هزار و 828 هزار دینارێن عیراقی، و ب وان پرۆژەیان خزمەتا 150 گوندێن پارێزگەها دهۆكێ هاتییە كرن 13 ژوان گۆندان سەر ب قەزا ئامێدیێ بوون و 14 گوند سەر ب قەزا شێخان و 12 گۆند سەر ب قەزا بەردەرەش و 9 گۆند سەر ب قەزا ئاكرێ و 6 گۆند سەر ب قەزا سێمێلێ و 18 گوند سەر ب قەزا دهۆك.
دیسان د ئەڤ ساڵەدا، ساڵا 2023ێ، هەتا نوكە ب تنێ ئێك پرۆژە هاتییە ئەنجامدان ب كوژمێ ملیارەك و 770 ملیون و 710 هزار و 995 هزار دینارێن عێراقی، و ب وان پرۆژەیان خزمەتا 11 گوندێن پارێزگەها دهۆكێ هاتیە كرن كۆ هەر 11 گۆند سەر ب قەزا ئاكرێ بوون.
بەرپرسێ راگەهاندنا سەروكاتیا باژێرڤانیا دهوكێ ئەو ژی راگەهاند، ژبلی پرۆژەیێن 11 گۆندێن ئاكرێ، 41 پرۆژە ژ بۆ حكومەتا هەرێما كوردستانێ هاتینە پێشنیاركرن ب كوژمێ 12 ملیار و 534 ملیون و 743 هزار و 628 هزار دینارێن عیراقی، دیسان 5 پرۆژەیێن دی ل پاشەروژەكا نێزیك دێ هێنە راگەهاندن،
ژ وان پرۆژان ژی: چێكرنا رێكا بەردەرەش-ئامیان-كەلەك یا نوو ب درێژییا 30 كیلومەتران. چێكرنا رێیا قەندیل-ئاكرێ یا كەڤن ب درێژییا 30 كیلومەتران. چێكرنا رێیا رۆڤیا بەردەرەش یا كەڤن دگەل ئوڤەرپاسا چواریانا بەردەرەش ب درێژییا 15 كیلومەتران. سەخبیركرنا رێكا بەدریك-ئالوكا ب درێژییا 23 كیلومەتران. سەخبیركرنا رێكا كورا-مانگێشك ب درێژییا 19 كیلومەتران.
هەروەسا هەر ژ1ێ هەیڤا 1 یا ساڵا 2020ێ و هەتا 31ێ هەیڤا 8 یا ساڵا 2023ێ درێژییا وان رێیێن كۆ هاتینە چێكرن: رێیێن سەرەكی 95.9 كیلومەتر. رێیێن لاوەكی 142.1 كیلومەتر. رێیێن گۆندان 137.1 كیلومەتر هەروەسا درێژییا رێیێن هاتینە سەخبیركرن، رێیێن سەرەكی 302.6 كیلومەتر. رێیێن لاوەكی 55.25 كیلومەتر. رێیێن گۆندان 137.1 كیلومەتر.
ل دووماهیێ دیاركر، ب گشتی ئەو پرۆژێن پارێزگەها دهۆكێ (دەوروبەرێن قەزا دهۆك) هاتینە ئەنجامدان دناڤبەرا ساڵێن 2020-2023 گەهشتیە 173 پرۆژا ب كوژمێ 109 ملیار و 475 ملیون و 87 هزار و 147 هزار دینارێن عێراقی، تێدا خزمەتا 435 گۆندان هاتییە كرن.
پارێزگەها دهۆكێ پشتی سەرهلدانێ ژ شەش قەزا و ئیدارا سەربەخۆیا زاخۆ و 24 ناحیە و پتری 914 گوندێن ئاڤا پێكهاتیە.
