د. سەباح زێباری: قەدەغەیا ھاتنوچوونێ کاریگەری ل سەر کۆرۆنا یێ ھەبوویە
ئەڤرۆ نیۆز، قائید میرۆ:
سەرۆکێ لیژنا ساخلەمیێ پشتەڤانیا بڕیارێن حوکمەتێ دکەت و قەدەغەیا ھاتنوچوونێ و دبێژیت، بڕیارا قەدەغەیا ھاتنوچوونێ کاریگەری ھەبوویە لسەر کێمبوونا رێژا تووشبوونێ و پێدڤیە وەلاتی دەرنەکەڤن.
د. سەباح زێباری، سەرۆکێ لیژنا ساخلەمی ل پەرلەمانێ کوردستانێ بۆ ئەڤرۆ نیۆز دیارکر” بڕیارا حوکمەتێ بۆ قەدەغەیا ھاتنوچوونێ کاریگەری ھەبوویە لسەر بەلاف نەبوونا ڤایرۆسا کۆرۆنا ل هەرێما کوردستانێ و داتایێن رۆژێن بۆری ژی ئەفچەندە پشتڕاستکریە و چەندی خەلک دەرنەکەڤیت ل مالێن خوە دێ رێژا توشبوونێ بەرەف کێمتر بچیت.
د. سەباح زێباری ئاماژەکر” ئەزموونا وەلاتێ چینێ بەلگەیە بۆ ھەموو جیھانێ، کو باشترین چارەسەر بۆ رێگریکرنێ ل ڤایرۆسا کۆرۆنایێ خۆ پاراستنە و دەرنەکەفتنە، ولاتێ چینێ شیا بازاڕ و جھێن گشتی بگریت و خەلگ دەرنەکەڤیت لەوما سەرکەفت بسەر کۆرۆنا یێ .
