د شه‌ڕێ كیكبۆكسینگێ دا دو یاریزانێن زاخۆ بوونه قاره‌مان
عەلی حاجی:
د داخویانیەکێ راهێنەرێ تیما یانه‌یا زاخۆ یا یارییا کیگبۆکسینگێ بۆ رۆژنامەیا ئەڤرۆ دیار کر دو کورێن زاخۆ شیان رێزێن ئێکێ یێن قاره‌مانییا ئیراقێ ب دەستخوەڤە بینن وژلایێ راهێنه‌ری هاتنە داخاز کرن بۆ ناڤ رێزێن هەلبژارتیێ ئیراقێ.
زێدەتر نێچیرڤان خەلەف گۆت: د دووماهی قاره‌مانییا ئیراقێ دا سێ یاریزانێن مه پشکداری د قارەمانیا کیكبۆکسینگێ دا كر ئه‌وا ل باژێرێ نەجەف هاتییه ئه‌نجامدان و قارەمانی گەلەک ب هێز بوو ل سەرانسەری ئیراقێ یانەیان پشکداری تێدا کربوو و پشکداریا مە ژی بناڤێ یانەیا زاخۆ بوو كو یاریزانێن مه شیان رێزا ئێکێ ب دەستخوەڤە بینن د وێ قارەمانیێ دا، ئێك ژ وان سەلیم خەلەف شیان دکێشەیا ٦٠ کێلوگرامی دا و هه‌ڤالێ وی محەمەد حەکیم بۆ کێشەیا گران شیان رێزێن ئێکێ ب دەستخوەڤە بینن و یاریزانێ مە یێ دیتر ژی شیا رێزا چارێ د قارەمانیێ دا ب دەستخوەڤە بینیت، بوو ئه‌گه‌ر هەردو یاریزانان شیاین رێزێن ئێکێ ب دەستخوەڤە بینن و هاتنا داخاز کرن بۆ هەلبژارتیێ ئیراقێ ئه‌وێن دێ خوه به‌رهه‌ڤكه‌ن بۆ قاره‌مانیێن ده‌رڤه و ئاسیایی، ئەڤە ژی دەستکەڤتیەکێ گرنگە بۆ یانەیا زاخۆ و وەرزشا ئێراقێ و مە باوەریەکا مەزن ژی ب شیانێن وان هەیە.
ناڤبری گۆت ژی: ئەز تاکە راهێنەرێ ڤێ یاریێ مە ل باژێرێ زاخۆ و بەردەوام کار ل سەر هندێ دکەین ژ بۆ پێگەهاندنا یاریزانان د ڤێ یاریێ دا و دروستکرنا نفشەکێ نوو و یێ باش داکو ئەڤ یاریە بەرەڤ پێشڤە بچیت ل ئیدارەیا سەربەخویا زاخۆ.
