د. عه‌دنان ئه‌سعه‌د:ره‌نگه هه‌لگرێن نه‌خۆشیێن ده‌روونی تووشی گێژبوون و بێهێزی و ره‌جفینێ ببن
ئه‌ڤرۆ، له‌زگین جوقی:
د. عه‌دنان ئه‌سعه‌د، تایبه‌تمه‌ندێ نه‌خۆشیێن ده‌روونی دیاركر كو گه‌له‌ك ژ تووشبوویێن ده‌روونی ل دهۆكێ ئه‌ون تووشی جۆره‌كێ دودلیێ دبن ئه‌وژی ئه‌م دبێژینێ (هلع).
تایبه‌تمه‌ندێ نه‌خۆشیێن ده‌روونی ئاشكه‌را كركو دبیت ژده‌ستدانا كه‌سه‌كێ نێزیك یان ترسا نوكه هه‌ی ژبه‌ر كۆرۆنایێ و هنده‌ك ژی هه‌نه زارۆكینی دا هنده‌ك نیشان بسه‌ری هاتینه ده‌رنه‌خستینه ئه‌گه‌رێن ڤێ چه‌ندێ بن، ژ نیشانێن وێژی هنده‌ك دبێژن بێهنا من ته‌نگ دبیت وهنده‌ك دبێژن وه‌كو تایه‌كێ دهێته مه و هنده‌ك دبێژن ئه‌ز گێژدبم دگه‌ل ڤان نیشانان ره‌جفینه‌ك یان بێ تاقه‌تیه‌ك یانژی ترسه‌كا مه‌زن بو په‌یدادبیت و هه‌كه یێ سه‌ر پێیا بیت حه‌ز دكه‌ت ده‌ركه‌ڤیت و هه‌كه یێ روونشتی بیت حه‌ز كه‌ت راببیت ده‌ركه‌ڤیت و هزركه‌ن دێ مرن.
ئه‌وژی خۆیا كر كو:” هێشتا نه‌گه‌هشتینه نۆشدارێن ده‌روونی و هه‌تا دگه‌هیته وی راده‌ی چو مفای ژ ده‌رمانان نابینیت ژ نوو دێ هێنه نۆشدارێ ده‌روونی و گه‌له‌ك ژی قه‌ستا راوێژكاریا ده‌روونی ل نه‌خۆشخانا ئازادی دكه‌ن.
د. عه‌دنان ئه‌سعه‌د، گۆتژی ئه‌و دودلیا ڤێ نه‌خۆشیێ چێدكه‌ت یا جۆدایه ژ نه‌خۆشیێن دی، ئه‌وژی هه‌موو پشكنینێن وان نورمال ده‌ركه‌ڤن و به‌هرا پتر ژی ئه‌ون ژیێ وان نه‌یێ هندێ یه تووشی جه‌لتێ ببن، به‌ێ‌َ ده‌ێ‌َ ئه‌و تووشی ڤێ نه‌خۆشیێ دبن هزر دكه‌ن دێ مرن، ل ڤێرێ ئه‌م دبێژین وان كه‌سان دبیت ئێشه‌كا ده‌روونی بۆ ته چێببیت، به‌لێ چو نیشان ل ده‌ڤ ته‌دیار نه‌بن، به‌لێ گێژبوون و بێهێزی و ره‌جفین وهزرا هندێ بكه‌ی دێ تووشی دلرابوونێ بی، هه‌كه نه‌خۆشیه‌كا ده‌روونی ژی بیت دێ ژ وان نه‌خۆشیان بیت یێن نه گه‌له‌ك دژوار، به‌لكو چاره‌سه‌ری هه‌یه و چه‌ند نه‌خۆش زوو بهێت پیدڤی ب ده‌رمانان نابیت و ب روونشتنان چاره‌سه‌ردبن، هه‌كه نه‌هێنه نۆشداری ژی چاره‌سه‌ردبن، به‌لێ دبیت وه‌خته‌ك درێژ بیت و نه‌خۆش تێدا ماندی ببیت، هنده‌ك كه‌س هه‌نه دبێژن ئه‌م مرنێ ب چاڤێن خوه دبینن، ئه‌و كه‌سێن نه‌چنه نۆشداری هه‌كه وه‌رزشێ ئه‌نجام بده‌ن و دروست بنڤن، چایێ ونسكافیێ و پێپسی و تایگه‌را كێم بكه‌ت و هنده‌ك كه‌سكاتی زێده بكه‌ت و په‌یوه‌ندیێن جڤاكی هندی هه‌بن باشه و ئه‌و كارێ حه‌ز ژێ دكه‌ت ئه‌نجام بده‌ت باشه، هه‌كه ڤان نه‌كه‌ت دێ ده‌رمان وچاره‌سه‌ریێ وه‌رگریت، ئه‌ڤه نه‌خۆشیه‌كا مشه‌یه، به‌لێ چاره‌سه‌ریا وێژی یا مشه‌یه و نه ئێشه‌كا مه‌ترسیداره”.
