د. عه‌لی ته‌ته‌ر: مه‌زنترین پشته‌ڤانیا بۆ كه‌رتێن جودا هاتیه كرن یا وه‌رزشێ بوویه
ئه‌ڤرۆ،
د پرێس كونفرانسه‌كێ دا د. عه‌لی ته‌ته‌ر پارێزگارێ دهۆكێ دیاركر سه‌رۆكێ حوكمه‌تا هه‌رێما كوردستانێ و كارگێریا پارێزگه‌ها دهۆكێ به‌رده‌وامن ل سه‌ر پشته‌ڤانیا خوه بۆ كه‌رتێ وه‌رزشێ و هه‌ر پرۆژه‌كێ هاتیه به‌رده‌ستێ وی ئێكسه‌ر رازیبوویه بتنێ هه‌كه‌ر هنده‌ك یێن پێدڤی نه‌بن.
زێده‌تر پارێزگارێ دهۆكی بۆ ده‌زگه‌هێن راگه‌هاندنێ گۆت: د به‌رنامێ جه‌نابێ سه‌رۆكێ حوكمه‌تا هه‌رێمێ رێزدار مه‌سرۆر بارزانی و كابینا نه‌هێ و دیسان به‌رنامێ مه دا یا د شیان دا بیت دێ بۆ وه‌رزشێ كه‌ین پێخه‌مه‌ت پێشخستنا ژێرخانا وه‌رزشی و پشته‌ڤانیا گه‌نج و لاوان كه‌ین و ره‌نگه مه‌زنترین پشته‌ڤانی و هاریكاری ژ پارێزگه‌ها دهۆكێ بۆ كه‌رتێن جودا هاتیه‌كرن بۆ كه‌رتێ وه‌رزشی بوویه كو هه‌یڤانه ئه‌م هاریكاریا هه‌موو یانا دكه‌ین و ئه‌ڤ پێنگاڤه تایبه‌ت ژلایێ پارێزگه‌ها دهۆكێ ڤه دهێته كرن و جه‌نابێ سه‌رۆكێ حوكمه‌تێ ژی به‌رده‌وامه ل سه‌ر پشته‌ڤانیێ بێ جوداهی ژبه‌ركو وه‌رزش كه‌رته‌كێ گرنگه.
ژلایه‌كێ دووڤه د. عه‌لی ته‌ته‌ر گۆت: هه‌ر پرۆژه‌كێ دهێته به‌رده‌ستێ مه ئێكسه‌ر رازیبوون وه‌رگرتیه و دبیت هنده‌ك پرۆژه یا جهێن وه‌رزشی هه‌نه پێدڤی نه‌بیت ئه‌رد بۆ بهێته دابینكرن یان پێدڤی ب گه‌نگه‌شێ نه یان ئه‌گه‌ر ئه‌و پرۆژه ئه‌وا ئه‌م ل سه‌ر راوه‌ستیێن هه‌كه‌ر یا فه‌ربیت ئه‌رد بۆ دابین بكه‌ین یان نه، له‌ورا د كه‌رتێ وه‌رزشی دا مه ته‌خسیر نه‌كریه و نا كه‌ین ژی و دێ به‌رده‌وام هاریكاربن وه‌رزش پێشكه‌ڤیت.
لسه‌ر پسیاره‌كا رۆژناما ئه‌ڤرۆ بۆ پشته‌ڤانیا نوونه‌راتیا دهۆك یا لژنا ئۆلۆمپیا كوردستانێ پارێزگارێ دهۆكێ گۆت: لایه‌نێ وه‌رزشی د به‌رنامێ مه دایه و حوكمه‌تا هه‌رێمێ یا رژده چالاكیێن وه‌رزشێ به‌رده‌وام بن، هه‌كه ب ئامار وه‌ربگرین كار و چالاكی و هۆل و پرۆژێن وه‌رزشی زێده‌تر لێهاتینه، كارگێریا پارێزگه‌هێ ژی هه‌ر پرۆژه‌كێ وه‌رزشی هاتبین مه ئێكسه‌ر رازیبن وه‌رگرتیه و ئه‌ڤرۆ ژی هنده‌ك نڤێسارێن چالاكیێن وه‌رزشی و پشته‌ڤانیێ هاتینه به‌رده‌ستێ مه و رازیبوون سه‌ر هاتیه كرن و ئه‌رد ژی بوو بهێته دابینكرن.
