د. قادر محمد سالح: بۆریێن زادی بۆ شه‌ش زارۆكان هاتینه گوهارتن
دهۆك، له‌زگین جوقی
شیره‌تكارێ نشته‌رگه‌ریێن زارۆكان ل دهۆكێ دیاركر ئێك ژ ئاریشه‌یێن گه‌له‌ك زارۆكیێن پارێزگه‌ها دهۆكێ تووش دبنی ڤه‌خۆارنا هنده‌ك جۆرێن كه‌ره‌ستان ب شاشیڤه بنه ئه‌گه‌ر بۆریێن خۆارنێ یێن زارۆكان پێدڤی گوهارتنی دبن.
د. قادر محمد سالح، شیره‌تكارێ نشته‌رگه‌ریێن زارۆكان ل دهۆكێ راگه‌هاندكو ل ڤێ دووماهی ڤه‌خۆارنا ده‌رمانان ب شاشیڤه وكه‌ره‌ستێن بۆ شووشتنی وپاقژكرنێ دهێنه بكارئێنان و ده‌رمانێن شووشتنا زه‌یتونان ده‌مێ زارۆك ڤان كه‌ره‌ستان ب خه‌له‌تیڤه ڤه‌دخۆت بنه ئه‌گه‌ر بۆریا زادی ناڤبه‌را گه‌وری ومه‌عیدی دهێته سۆتن وتووشی برینداریی بیت و چرمسیت دئه‌نجامدا زارۆك نه‌شێت خۆارنێ بخۆ چونكو ئه‌ڤ بۆریا زادی یا نازك و هه‌شتیاره ده‌مێ بریندار دبیت چاره‌سه‌ریا وێ دهێته نشته‌رگریكرن چونكو زارۆك نه‌چاردبیت بتنی زارۆك خۆارنێن روهن وشل ڤه‌خۆت وبخۆت هه‌كه هات ته‌نگبوونا بۆریا زادی زێده‌بیت زارۆك نه‌شێت ڤان ژی بخۆت ئه‌م نه‌چاردبن نشته‌رگه‌ریێ بۆ زارۆكێ ئه‌نجام بده‌ن.
د. قادر محمد سالح، ئه‌وژی دیاركركو چاره‌سه‌ریا نشته‌رگه‌ریێ ره‌نگه ب ریێا دوربینی بیت یان ژی فره‌هكرنا بۆریا زادی ب ریێا بالونێ بیت ئه‌ڤه مفایێ دگه‌هینته زارۆكێ و هنده‌ك جاران ژی مفایێ ناگه‌هینته زارۆكێ چونكو ته‌نكبوونا دروست بیت یا هشكه و فراه نابیت بالونی ئه‌م نه‌چاربن بۆریا زادی ب گوهۆرینن وپارچه‌كا روڤیكێن ستوور ل شوونا بۆریا زادی دهێته دانان ئه‌ڤه نشته‌رگه‌ریه‌كا زه‌حمه‌ته گه‌له‌ك ده‌گمه‌نه بتنی ل پارێزگه‌ها دهۆكێ ئه‌م ئه‌نجام ده‌ن.
ناڤهاتی ته‌كه‌ز كركو زكێ زارۆكێ دگه‌ل سینگێ وێ دهێته ڤه‌كرن بۆ ڤێ نشته‌رگه‌ریێ بۆ ده‌مێ چار هه‌تا پینچ ده‌مژمێران ئه‌ڤ جۆرێن نشته‌رگه‌ریا ڤه‌دكێشن د ڤان هه‌یڤێن بۆرێدا بۆ شه‌ش زارۆكان نشته‌رگه‌ریێن گوهۆرینا بۆریێن زادی یێن هاتینه ئه‌نجامدان هه‌موو ژی باش بووینه.
د. قادر ئه‌وژی راگه‌هاندكو: بۆریا زادی یا ژ قولونێ هێته دروستكرن بۆ زارۆكان وه‌كو بۆریا زادی یا زكماكی مرۆڤێ هه‌یه ب رێژا 100% كاری خۆ ناكه‌ت لێ ئه‌ڤ نشته‌رگه‌ریا وگوهۆرینا بۆریا زادی ژ نه‌چاریه بۆ زارۆكان دهێته كرن چونكو چوو ریێن دێ نینن بۆ چاره‌سه‌ریا ڤان زارۆكان.
ئاماژه دا وی چه‌ندی ژی هه‌كه نشته‌رگه‌ریێ بۆ ڤان زارۆكان نه‌هێته كرن نه‌شێن خۆارنی وڤه‌خۆارنی بخۆن دێ تووشی به‌دخۆراكیی بیت هه‌تا ژی دێ ره‌وشا وی خراب بیت هنده‌ك جاران ئه‌م سونده‌كی بۆ زارۆكێ دانن ب رییا وێ سوندی خۆارن وڤه‌خۆارن بۆ زارۆكێ هێنه دان لێ ئه‌ڤه زارۆك نه‌شێت ریێا ده‌ڤی را بخۆت چوو چاره‌سه‌رێ نینه پێدڤیه نشته‌رگه‌ریێ بۆ زارۆكێ بهێته ئه‌نجامدان.
شێره‌تكاری نشته‌رگه‌ریا زارۆكان ئه‌وژی نه‌ڤه‌شارت و گۆت: پشتی نشته‌رگه‌ریێ ژی پینچ رۆژا زارۆك ل به‌شی چاڤدێریا چر دمینت ل سه‌ر ئامیری بیهوشكرنێدا داكو ئه‌ڤ روڤیك خۆ لیكبده‌ت وپاشی نوشداری ته‌ماشه دكه‌ت كا بۆری خۆ گرتیه وخۆارن ژبه‌را ناده‌ركه‌ڤت ژ نۆكه ده‌ست پێ دهێته كرن زارۆك بۆ ده‌مێ هه‌یڤه‌كێ خۆارنێن نه‌رم وشل بخۆت وپشتی هینگی ژی دشێت هه‌موو خۆارنان بخۆت چوو ئاریشه دروست نابن>
د. قادر محمد سالح، ئاشكه‌را كركو ئه‌و ئاریشه‌یێن ئه‌م ژی دترسن خۆارن ژبه‌ر ده‌ربكه‌ڤیت یان ژی جهێ قولون ب گه‌وری ڤه گریده‌ن مه‌عیدی ڤه جهێ دورینی ته‌نك بیت هه‌كه ئه‌ڤ هه‌ردوو ئاریشه په‌ێدا نه‌بن نورماله وزارۆك دشێت هه‌موو خۆارنان بخۆت وژیانا خۆ یا نورمال ببۆرینت راستی ژی ئه‌ڤ نشته‌رگه‌ریا زور یا زه‌حمه‌ت چونكو دبیت سه‌رنه‌گرت دووباره نشته‌رگه‌ریێ بهێته ئه‌نجامدان لێ ئه‌ڤ شه‌ش نشته‌رگه‌ریێن هاتینه كرن هه‌موو زۆر باش هیچ ئاریشه‌ك بۆ نه‌خۆشه‌كێ چینه‌بوویه ره‌وشا هه‌ر شه‌ش كه‌سان گه‌له‌ك باش بوویه چوو ئاریشه‌یێن ته‌نگ بوونی چینه‌بووینه لی ئه‌م حه‌ز ناكه‌ن زارۆك پێدڤی ڤی نشته‌رگه‌ریا زه‌حمه‌ت بیت له‌ورا پێدڤیه دایك وباب ل زارۆكێن خۆ هوشیاربن كه‌ره‌ستێن پاقژكرنێ به‌ر ده‌ستێن وان دوور بكه‌ن.
