د. كاروان شاهین:خه‌لكێ روژهه‌لاتا ناڤه‌راست 85% هه‌تا راده‌كی جیوب هه‌نه
تایبه‌تمه‌نده‌كێ نه‌خوشیێن دفن و گوه و گه‌وریێ دیاركر رێكێن جوانكاریا دفنێ ب شێوه‌كێ گشتی هه‌موو جیهانێ ده‌ما ته‌ڤیا گوهورینێن مه‌زن د دفنێ دا بكه‌ی ب رێكا نشته‌رگه‌ریێ دهێنه ئه‌نجامدان، هه‌ر كه‌سه‌كێ ڤیا دفنا خوه راست بكه‌ت یان قه‌بارێ وێ بچووك بكه‌ت پێدڤیه نشته‌رگه‌ریێ ئه‌نجام بده‌ت و گۆت: نوكه ل دهۆكێ ئامیرێن باش و پێشكه‌فتی هه‌نه و ته‌كنیكێن نوو د نشته‌رگه‌ریاندا دهێنه بكارئینان.
د. كاروان شاهین، تایبه‌تمه‌ندێ نه‌خوشیێن دفن و گوه و گه‌وریێ ئه‌وژی دیاركر جوانكاریا دفنێ دو رێكن ئه‌وژی بێ ڤه‌كرن كو جهێ قه‌یدكێ لێ نینه ژ ده‌رڤه، و ب رێكا ڤه‌كرن كو هه‌ردو ب نشته‌رگه‌ریێ دهێنه ئه‌نجام دان، دڤان هه‌ردو رێكان دا ده‌مێ ئه‌نجامدانا نشته‌رگه‌ریێ جیاوازیا وان ئامیرانه یێن دهێنه بكارئینان، هه‌روه‌سا كێمتر زیان ب دفنێ دگه‌هیت و ئه‌نجام باشترن.
تایبه‌تمه‌ندێ نه‌خوشیێن دفن و گوه و گه‌وریێ دیاركر ژی، شێوه‌كێ گشتی خه‌لكێ روژهه‌لاتا ناڤه‌راست 85% هه‌تا راده‌كی جیوب هه‌نه وگۆت: بریارا ئه‌نجامدانا نشته‌رگه‌ریێ دمینیت ل سه‌ر دفنێ كا چه‌ندا خواره و شكه‌ستیه، ئه‌و نشته‌رگه‌ریێن دهێنه ئه‌نجامدان گه‌له‌ك خواراتی و شكه‌ستن و جیوب د دفنێدا هه‌یه و ب نشته‌رگه‌ریێ دهێنه چاره‌سه‌ركرن.
د. كاروان شاهین دا زانین گه‌له‌ك ژ نه‌خوشان هه‌ستیاریا جیوبان هه‌یه و ب نشته‌رگه‌ریێ ناهێته چاره‌سه‌ركرن، ب تنێ ب رێكا خوپاراستنێ و هنده‌ك ئامیرێن پێشكه‌فتی دهێنه چاره‌سه‌ركرن, هه‌روه‌سا ب نشته‌رگه‌ریێ هه‌ستیاریا جیوبا چاره‌سه‌ر نابیت و دێ زڤریته ڤه دێ هه‌ر پێدڤی هنده‌ك چاره‌سه‌ریێت هه‌ستیاریێ بیت ب تنێ شكه‌ستن و خواراتی و رێكوپێك كرن پێدڤی ب نشته‌رگه‌ریێ هه‌یه و نشته‌رگه‌ری بو دهێته ئه‌نجام دان.
