د كارى دا كه‌س نه‌شیایه هه‌ڤركیێ ل گه‌ل من بكه‌ت
ئه‌ڤرو نیوز، هه‌یفا دوسكى:
صه‌بریا مایى ژ دایكبوویا 1958ێ یه ژ زاروكینێى ده‌ست ب كارێ ده‌ستى كریه و ژبه‌ر كارێن ده‌ستى و چێكرنا چارچه‌ڤ و هه‌ر تشته‌كى ژ ده‌زى بهێته چێكرن ئه‌و دكاریت ئه‌نجام بده‌ت، صه‌بریا خان گه‌له‌ك ژیێ خوه ل فه‌ره‌نسا بریه و نها ژى ئاكنجیا باژێرێ دهوكێ یه.
صه‌بریا خانێ بۆ ئه‌ڤرۆ نیوز گۆت: من ل به‌ر نینه كارێن ده‌ستێ خوه ب فرۆشم ژبه‌ر دڤێت حنێرا ژنا كورد بدانته به‌رچاڤێن جڤاكى و هه‌ر كه‌سێ بزانیت ژن كیه و كار و ئه‌ركێن وێ چنه، دیسا گه‌له‌ك پێشانگه‌ه ل دهوكێ و دیسا فه‌ره‌نسا ڤه‌كرینه.
صه‌بریا مایى دژیێ هه‌شت سالى و ده‌ه سالیێ دا ده‌ست ب كارێن ده‌ستى كریه و ئه‌و كارێن چێكرنا چارچه‌ڤه و هه‌ر تشته‌كێ خێزان پێدڤى دبیتى وه‌كو په‌رده و كارێن ده‌ستى و درینگه‌ها ئه‌و ب كێمترین ده‌م ئه‌نجام دده‌ت، صه‌بریا خان دبێژیت: كه‌س نینه د ژیانا خوه دا نه‌خوشى نه بربن لێ من ژى وه‌كو هه‌مى ژنێن كورد ژیانا بریه سه‌ر و دیسا ژیانا من تا راده‌یه‌كى یا سرۆشتى بو چونكى هه‌ر كارێ من حه‌ز ل سه‌ر هه‌با هه‌ڤژینێ من هاریكارێ من بوویه و شیایه بیته پشته‌ڤانێ من، ژبه‌ر هندێ ژى صه‌بریا خان دبێژیت: ئه‌و پارێ ل بوكانیا من هاتى سه‌رى من هه‌ڤژینێ من هه‌مى بو من دا ب ماكینه‌كا درینێ چونكى دزانى ئه‌و كارێ ده‌ستى و درینێ نێزیكترین هه‌ڤالن بو من له‌ورا تا نوكه نه بو ئاسته‌نگ دكارێ من دا، دئالیه‌كێ دیڤه ژى صه‌برا خان ب گرنژین ڤه دبێژیت من دوكاندارى ژى یا كرى و ل وى ده‌مێ ئه‌ز ب سه‌ر گه‌له‌ك سرۆشتێ خه‌لكى هه‌لبوم. پاشى ناڤبریێ گۆت من پتریا كارێ من ل فه‌ره‌نسا بو و من پێشانگه‌ه ل وێرى ژى ڤه‌كرینه و كارێ ژنا كورد ل وێرى ده‌نگ ڤه‌دایه ب تایبه‌ت درێكا پێشانگه‌هێن خوه یێن كارێ ده‌ستى دا.
