د كارێ وێنەگریێ دا ئاستەنگ هەنە
دلڤین رشید:
وێنەگر (سیپان یونس فەقی) د دیدارەكێ دا بۆ رۆژناما ئەڤرۆ دیار كر كو ئەو خەلكێ باژێرێ زاخۆ یە، ئەڤە بۆ ماوێ پێنج سالانە د بۆارێ وێنەگرتنێ دا كاردكەت و ب رێیا خۆلێن تایبەت خۆ فێری كارێ وێنەگرتنێ كریە و نوكە ل گەل كۆمپانیەكا تایبەت ب كارێ فۆتۆگرافیێ ڤە كاردكەت.
ناڤهاتی گۆت: كارێ منی پتر ل گەل بووك و زاڤایانە و ب راستی ژی مە گەلەك ئاستەنگ هەنە، چونكو هەر مرۆڤەكی سروشتێ خوە یێ تایبەت هەیە، لەورا گرنگە ئەم وەكو وێنەگر مە سەرەدەریەكا باش هەبیت داكو ئەم بشێین بەردەوامیێ ب كارێ خوە بدەین، چونكو ئەڤ كارە بوویە دەرگەهەك بۆ ژیانا من كو ئەز بشێم خوە و خێزانا خۆ پێ برێڤە ببەم و داخوازێ ژ هەر گەنجەكێ خودان شیان دكەم كو ل دووف خەونێن خوە بچن و كاری ل سەر ئاڤاكرنا شیانێن خوە بكەن دوی بۆاری دا یێ ئەو خوە تێدا دبینن دا كو ل پاشەرۆژێ بشێت ببیتە كەسەكێ سەركەفتی دكارێ خۆ دا.
