د كەڤالان دا چو ڕەنگێن تایبەت بكار نائینت
هەرهین محەمەد:
شێوەكار (ئیڤان ئارت) د دیدارەكێ دابۆ رۆژنامەیا ئەڤرۆ گۆت: دچێكرنا كەڤالان دا هەموو جۆران دروستدكەم وەكو یێن سرۆشتی و كەسوكی و هتد..، بەلێ گەلەك حەزژ كەڤالێن پورترێت دكەم و هەر كەڤالەكی دروست دكەم چ ب رەنگان بیت، یان ب رساسی بیت، یان پاستیلی بیت ل دووماهیێ هەر دێ هێمە ل سەر وێنەیێ پوترێت و پتریا جاران ژنا هونەرمەند پتر كەڤالێن خوە ل سەر ژنێ دروستدكەت، چونكو پتر ئێش و ئازارێن وان دزانیت و ژنێن بەرانبەرژی تێدگەهن، لەورا ئەو هونەرمەدا دەربڕینێ ژ ژنێ دكەت ئەو ئێش و ئازارێن ژنێ دزانیت و هەردەم ژن بوویە پتر ژ هەموو تاكێن دی یێ، جڤاكی ئێش و ئازار هەین و رێگری ل وێ و كارێ وێ دهێتەكرن و نەشێت ب ئازادی كاربكەت.
ئیڤانێ گۆت: دووماهی ئینانا كاری ل سەر قەبارێ كەڤالی دمینت و چەند كەڤال یێ مەزن بیت پتر ل سەر كاردكەم، بەلێ هەكە ل سەر ئێك كاربكەم بێ بێهێنڤەدان دشێم كەڤالی ددو هەتا سێ رۆژان دا ب دوومماهیی بینت و گەلەك جاران داخوازا كڕینا كەڤالێن من ژ من هاتیەكرن من فرۆتینە و دڤی دەمی دا پتر ل سەر كەڤالێن سرۆشتی كاردكەم، چونكو ئەو دەمەك بوو من ل سەر كەڤالێن پوترێت كاردكر و من حەزكر گوهۆڕینێ تێدا بكەم و دانانا رەنگان ژی حەزدكەم هەموو رەنگان بكار بینم و چو رەنگێن تایبەت نینن ل سەر من زالبن كو د هەموو كەڤالان دا ئەوی رەنگی بكار بینم.
