د كەڤالێن مندا مۆركا كوردی یا دیارە
عەزیز هەورامی:
شێوەكا (سەلوا موستەفا) كو ژ پارێزگەها حەلەبجەیە، د دیدارەكێ دا بۆ رۆژناما ئەڤرۆ گۆت: ئەز ماموستایا وانەیا هونەری مە و پتریا كەڤالێن من دەربڕینێ ژ مللەتێ كورد و نەخۆشی و ئازارێن وان دكەن، ئانكو ئەز دشێم بێژم د كەڤالێن مندا مۆركا كوردایەتی یا دیارە، لێ بەری چێكرنا هەر كەڤالەكی و هەلبژارتنا بابەتێ وی ئەز باش هزرێن خوە دكەم و ژنوو دەستپێدكەم.
هەروەسا گۆت: من گەلەك كەڤال چێكرینە كو ب راستی نوزانم هژمارا وان چەندە، هەروەسا ل پتریا دەڤەرێن كوردستانێ پشكداری پێشانگەهێن هەڤپشك بوویمە، بەلێ هەتا نوكە دەلیڤە نەبوویە كەڤالێن من ل دەرڤەی كوردستانێ بهێنە نیشادان و ب هیڤیا وێ چەندێ مە ئەو رۆژ ژی بهێت و فرۆتنا كەڤالان ل كوردستانێ بهایەكێ كێم پێ ددەن.
