د ماوەیێ دو روژان دا ئاگر بەردبیتە سێ جهان
ئەڤرۆ نیوز، عەلی حاجی:
د دو روودانێن ئاگر بەربوونێ دا ل سنورێ باژێرێ زاخۆ مالەک و پێنچ چادر سوتن و ئافرەتەک ب رێژا ١٠٪ سوت و زیانێن ماددی بەر ب هەر دو مالان کەڤتن و دوکانەکا کەل و پەلێن ترومبێلان ئاگر ڤێ دکەڤیت و دهێتە سوتن.
رائید بێوار عەبدولعەزیز بەرپرسێ راگەهاندنا بەرەڤانیا باژێری ل پارێزگەها دهوکێ بۆ ئەڤرۆ نیوز گوت: (روودانا ئێکێ ل روژا ئێکشەمبیێ دەمژمێر ٢:٠٠ی پشتی نیڤرۆ بوو دەما ل کەمپا باجد کەندالا ژ ئەگەرەکێ نەدیار ئاگر ب پێنچ چادرێن ئاوارەیان کەڤتن دناڤ کەمپێ دا و بۆ ئەگەرێ وێ چەندێ پێنچ چادر ب ئێکجاری بهێنە سوتن و هەر دیسان چەندین کەل و پەل دناڤ وان چادران سوتن و دناڤ وێ روودانێ دا بتێ زیانێن ماددی بوون، چو زیانێن گیانی نەبوون، ژبەری ئاگر مەزنتر ببیت تیمێن مە ل بنگەهێ پیشابیرێ شیان کونترولێ ل سەر وی ئاگری بکەن ،ڕوودانا دووێ ژی ل دەمژمێر ٣:٤٠ ل ناحیا باتیڤا دروست بوو دەما ئاگر بەر ب مالەکا هاولاتیەکێ کەڤت ل وێ ناحیێ،پشتی پەیوەندی ب بنگەهێ باتیفا هاتیە کرن ئێکسەر تیمێن مە ل جهێ روودانێ ئامادە بون و شیان وی ئاگری کونترول بکەن و زێدەباری هەبونا چەند زیانەکێن ماددی د وێ روودانێ دا دەستێ ئافرەتەکێ ب رێژا ١٠٪ سوت و بەلێ تیمێن مە هەر زوو شیان وی ئاگری کونترول بکەن).
گوت ژی روودانا سیێ ئەڤرۆ ل روژا دوشەمبیێ دروست بوو دەما ل دەمژمێر ٢:٠٠ی شەڤ ژ ئەگەرەکێ نەدیار ئاگر بەر دبیتە دوکانەکا فروتنا کەل و پەلێن ترومبێلان ل پێشەسازیا زاخۆ تیمێن مە ل زاخۆ شیان بگەهنە جهێ روودانێ و کونترولی ل سەر ئاگری بکەن و د وێ روودانێ دا بتنێ زیانێن ماددی هەبون و چو زیانێن گیانی نەبوون.
