د مەھەکێ دا سەنگێ خوە کێم بکە
ئه‌ڤرۆ نيوز:
خرابترین روون و بەز ئەون یێن ل ناڤتەنگا مرۆڤی کۆم دبن، ژبەرکو نە بتنێ قەبارێ پەنتەلۆنی دگوھۆریت بەلکو نیشانەکە بۆ ساخلەمیا ھناڤان، گەلەک رەنگێن رێجیمێ ھەنە گەرەنتیا کێمکرنا سەنگێ ددەنە مرۆڤی، لێ ھندەک گاڤێن سڤک ھەنە ھەکە تو بکەی دێ شوونا رێجیمان گریت.
ب ڤان رێیێن سڤک تو دشێی باشتر و ساخلەمتر سەنگێ خوە کێم بکەی:
تێشت: ھەکە تو تێشتی ب نانی دەستپێبکەی دێ گوھۆرینەکا بچووک چێبیت، لێ یا باش ئەوە تو خوارنەکا دەولەمەند ب پرۆتینان بخۆی و کاربوھێدرات د ناڤ دا نەبن ھەتا وەختێ فراڤینێ، ب وێ یەکێ لەشێ تە دێ ژ بەزێ خوە خۆت دا وزێ بدەت ە خوە.
شەکرێ پرت پرت بکە: کاربوھێدراتێن دوبارەکری وەکو شەکرێ دبنە ئەگەرێ ھاندانا ئەنسۆلینی یێ بەز و روونان ل دەردۆرا پەردا ناڤتەنگێ کۆم دکەت، ب وێ یەکێ دێ شەکرێ د ناڤ لەشێ خوە دا کێم کەی و دێ گەلەک بەزێ ناڤتەنگێ ژ دەست دەی.
پێدڤیە گالۆرێن گەرمێ کێم بکەی: ئانکو دڤێت وزەیەکا زێدەتر بمەزێخی، ئەو یەک ژی ب تنێ ب راھێ،انێن وەرزشی ناھێتە کرن، بەلکو پێدڤیە سیستەمێ خوارنا خوە بگوھۆری.
راھێنانێن زێدە ژبیر بکە: گەلەک راھێنان فایدە ناکەن، لێ رێیا راھێنانێ جودایە ھەکە تە بێت وەرزشێ بکەی، پێدڤیە دو جۆران بکەی وەکو برێڤەچوون و مەلەڤانی، ئەو ژی بۆ ساخلەمیا دلی گەلەک دباشن و گالۆران دسۆژن، ھەروەسا ھندەک راھێنانێن کێم یێن راکرنا ئاسنی دا زەبلەکێن تە ب ھێز بکەڤن و بەزی بحەلنن و بکەنە ژێدەرێن وزێ.
نڤستن: وەرار ل دەمێ نڤستنێ چێدبیت ژبەر بلندبوونا ئاستێ ھورمۆنان ب شەڤێ، لەورا دەمێ تویێ نڤستی بی زەبلەکێن تە خوە ئاڤا دکەن و بەزی دحەلینن، لێ ھەکە تو تێر نەنڤی تو چو مفای نابینی.