د ناڤبهرا ئهبۆ ساڤاری و ئهبۆ شهعلانی دا!!
د.جمعه عباس بندی
دبێژن كابرایهكێ گهلهك زهنگین ههبوو و د ههمان دهم دا گهلهك یێ چر و قهرس و بهخیل بوو و ناڤێ وی (ئهبۆ ساڤار) بوو.
ئهگهرێ دانا ڤی نازناڤی ل سهر وی دزڤریت بۆ خوارنا وی یا بهردهوام یا ساڤاری حهتا وی رادێ خێزان و زارۆیێن وی پێڤه وهستیابوون و ژێ درهڤین.
ژ بهر وێ ئێكێ كابرای چ نه دكری ژبلی ساڤارێ و بۆ ههموو ههلگهڤتان چ چهژن و سهرسال بان یان خۆشی و سهیران بان.
ڤێجا بهخیلیا وی نه ب تنێ خوارن ڤهگرتبوو، بهلێ چووبوو د بیاڤێ كرینا جلوبهرگ و پێلاڤان و ههر تشتهكێ دی ژی دا.
حهتا وێ رادێ بۆ سالێ ههمیێ دا ب تنێ دشداشهكی و نعالهكێ بۆ ههر كهسهكی ژ خێزانا خوه كریت چ كچ بان یان كۆر و ل گهل دایكا وان.
دیسا (ئهبۆ ساڤاری) قهدهغه كربوو ل سهر خوه و ههموو كهسێن خێزانا خوه ئهو ب تهكسیا یان پاسان بچنه بازاری یان ههر جهـ و كارهكێ دی.
ئهنجامێن ڤێ بهخیلیێ ههموو خیزانا وی خوه ژێ شیشت بوو و دهمێ هاته دمال دا كهس ل دهف نه دروونشت و ههر ئێك بخوه دچوو ژۆرهكێ ڤه.
دبێژن رۆژهك هات و (ئهبۆ ساڤار) د مرۆڤهكی تهشقلی ناڤێ وی (ئهبۆ شهعلان) بوو.
رۆژهكێ ژ رۆژان (ئهبۆ شهعلانی) گۆته (ئهبۆ ساڤاری) تو مێڤانێ منی بۆ خوارنێ.
دهمێ (ئهبۆ ساڤاری) گوه ل ڤێ ئاخڤتنێ بووی گهلهك كهیفا وی هات و دلێ خوهدا گۆت ههما بلا ئهڤرۆ ئهز ساڤارێ نهخۆم.
دهمێ (ئهبۆ ساڤار) چوویه بهر دهرگههێ (ئهبۆ شهعلانی) و چاڤێ وی ب قهسر و پاخچه و سیارا وی كهتی، ئینا (ئهبۆ ساڤار) گۆتێ: تو چ كار دكهی تو بازرگانی؟… گۆتێ: نهخێر.
گۆتێ: پا تو بالێندهرێ گازی؟… گۆتێ: نهخێر.
گۆتێ: پا تو سهركردهكی د ناڤ پارتهكێ دا؟ گۆتێ: نه خێر.
گۆتێ: پا تو ههڤپشكی ل گهل بهرپرسهكی؟ گۆتێ: نهخیر.
گۆتێ: پا تو وهزیری؟.. گۆتێ: نهخێر.
گۆتێ : پاتو چ كهسی و چ شۆل دكهی؟.
ئهبۆ شهعلانی گۆتێ: كارێ من ئهوه ئهز ل ڤی باژێری دگهرم و مرۆڤێن زهنگین دهستنیشان دكهم و ههر دهمێ ئهو دمرن ئهز ژنكا وی ماردكم و ههتا نوكه من سیێ ژن یێن ماركرین و ب ڤی رهنگی و ئهز یێ زهنگین بوویم مێڤانێ هێژا.
بهردهوامی دا ئاخڤتنا خوه و گۆتێ مێڤانێ بهاگران: دبێژن ئێكێ ههی خودان عیماره و دكان و بیستان و زێر و دۆلار و یۆرۆ و پارچێن ئهردیه ناڤێ وی (ئهبۆ ساڤار)ه و ئهزێ ل هیڤیا مرنا وی.
و ههر دهمێ ئهو ژی مر دێ ژنكا وی ژی ماركم و ب ڤی شێوهی دێ ژنا چارێ ژی تمام كهم و هندهك دۆلار و ئهملاكێن دی ژی هاڤێمه ل سهر ناڤ و ژمارا خوه.
دهمێ (ئهبۆ ساڤاری) گوه ل ئاخڤتنا (ئهبۆ شهعلانی) بووی ههما ل بهر دهرێ حهوشێ زڤری و نهچوو د ژۆرڤه و خوارنا وی نهخوار و خاترا خوه ژێ خواست.
و دهملدهست تهكسیهك گرت بۆ جارا ئێكێ و ئێكسهر قهستا بازاری كر و دو تهنهك كرێگر و تژی كر ژ ههر تشتێ دلێ ته بخوازت ژ خوارن و ڤهخوارنێ و جلوبهرگ و پێلاڤ و قۆلانی و شامپۆ و ههموو ژی ژ جۆرێن مارك و پله ئێك.
ب ڤی رهنگی هاته ناڤ گهراجێ مال و گازی خێزان و زارۆیێن خوه كر دا بێنه هاریكاریا وی بكهن و تشتان ژ سهیارێ بینه خوارێ و دهمێ وان ب ڤی رهنگی بابێ خوه (ئهبۆ ساڤار) دیتی مانه حێبهتی و ههر ئێكی گۆته یێ دی ئهڤه چ چێبوویه؟!.
پشتی ههمیان پێكڤه تشت ژ سهیارێ ئێناینه خوارێ و سهرێن خوه شووشتین و جلوبهرگێن نوو گرینه بهرخوه و بێهنهكا خۆش ل خوه كری و خوارنهكا ب تنێ رهبێ ته دزانێت یا چاوا وان خوار و ڤهخوار بۆ دانێ ئێڤاری.
ل گهل چاڤهخوارنێ ههموو خێزانا ل دوروبهرێن ( ئهبۆ ساڤاری) كۆمبوون و پسیار ژێ كر ب تنێ بێژه مه تو چاوا هۆسا هاتیه گوهارتن؟.
ئینا ( ئهبو ساڤاری) گۆته وان: بهرسڤا ڤێ پسیارێ یا ل دهڤ (ئهبۆ شهعلان).
تێبینێ:
1ـ بنهكۆكا ڤێ چیرۆكێ یا ل وهلاتێ سعوودیێ روودای… ب تنێ من ناڤهرۆكا وێ ژ زمانێ عهرهبی بۆ زمانێ كوردی یا وهرگێرای ل گهل چهند گوهۆرینهكا ددارێتن و شێوازێ وێ دا.
2ـ ئهبۆ شهعلانی نه دزانی ئهوێ وی مێڤانكری ئهبۆ ساڤار بخوهیه.
3ـ بهخیلێ رێزدار ته دڤێت پارێن خوه بخوه و باشیان پێبكه و ژیانهكا بهختهوهر ل گهل خێزانا خوه ببه سهری ههتا دمری یان ژی ته دڤێت پارێ خوه بۆ ئهبۆ شهعلانی بهێله و بریار یا تهیه.
4ـ زهنگینی و دانا خودێ نه ب تنێ پاریه، چنكو گهلك جۆرێن دانێ یێن ههین ژ وان ساخلهمیهكا باش و دیندهههكا جامێر و حهزژێكرنا خهلكێ و زانینهكا بهرفرههـ وبهختهوهریا ژیانێ و یا ژ ههمیان مهزنتر نیاسیا خودێ پاك و پهخشنده و دلۆڤان و دیسا ژبیر نهكن كو هندهك مرۆڤێن ههین گهلهك د ههژارن و ژ بلی پاری چ دی وان نینه.
5 ـ ل وهلاتێ مه ژی ئهڤه چهندین ساله ڤتڤتا ئهبۆ شهعلانی و ئهبۆ ساڤاری پێكڤهیه د بهریك و بن بهریكێن خهلكێ ههژار و بێ دهنگ دا.
لهورا داخوازا مه ژخودێ پاك و دلۆڤان ئهوه بهلا وان ژ ههژاران ڤهكهت و بهرێ وان ب دهته بهنكێن ڤهشارتی و قاسێن ل پشت حهفت دهرگههـان و حۆریێن چل كهزی.
چیرۆكا ژنا چارێ
