د.هەكار بەرقی: یارییا ڤۆلی بۆلێ بەر ب نەمانێ دچیت
شاهۆ فەرید:
د داخویانیەكێ دا د. هەكار بەرقی ماموستایێ زانكۆیێ و راهێنەرێ تیما ڤۆلی بۆلا یانەیا سەنحاریب بۆ رۆژنامەیا ئەڤرۆ دیار كر: هەر ژ دەستپێكا دەستبكاربوونا من وەكو راهێنەر دگەل یانەیا سەنحاریب ل سالا 2021 پرۆژەیێ دروستكرنا نڤشەكێ نوو یێ یاریزانێن یارییا ڤۆلی بۆلێ من دانایە.
هەروەسان ناڤهاتی گۆت: هەتا نوكە چەندین یاریزانێن باش ژ پێنگاڤا مە هاتینە دیتن وەكو ئەكادیمیێ مە بەرهەڤكرینە كو یانە مفایی ژێ ببینیت و بیتە ئەگەر چ یاریزانێن دەرڤە نەئینن، نوكە ئێك ژوان یاریزانێن كچ هاتیە داخوازكرن بۆ ناڤ رێزێن هەلبژارتیێ ئیراقێ، یاریزانێن كچێن زوو بۆ ڤان یارییان ناهێن ژبەر نەبوونا پشتەڤانیێ.
ژلایەكێ دووڤە د. هەكار بەرقی گۆت :دەمێ سەد یاریزان بووتە بهێن و ببنی كا دێ چەوا گونجن ل گەل ڤێ یاریێ و 10 تا 11 یاریزانان ژیێ بگریی یاب سناهی نابیت نوكە بیست یاریزانان بەردەستێ منن و ئەركێ مە قورس بوویە دڤێت هەمی لایان ڤە د گونجایی بن، هەردەم یانەیا سەنحاریب خوە ب خودانا تیمێن یاریزانێن كچ دانیت و ژبەر كێمیا كێشەیێن دارایی نەشێن دو تیما یا كچ و كورا رێڤەببەت، یاریا ڤۆلی بۆلێ بەرڤ نەمانێ ناچیت هەما نەمایە، دڤیێت لژنەیا ئۆلمپی و فیدراسیون بكەتە ئەرك سەر یانەیا پشكداریی قارەمانیێ بكەت و دابەش بكەن.
زێدەتر ناڤهاتی گۆت: ژبەر نەبوونا پشتەڤانیەكا باش یانە نەشێن گەشتا بۆ باژێرێن دی بكەن لەوما شێوەیێ كومڤەكریی یاریا دكەن، یاریزانێن سالەكێ بەردەوامی راهێنانان دكەت بتنێ پێنچ رۆژا قارەمانیی دكەن ڤێ چەندێ یاریزان پێشناكەڤن و تیم و هەلبژارتیێن مە رێزا دووماهیێ دهێن، لەوما ئەوێن برێڤەدبەن نەشێن دورستاهی ئەركێ خوە رابن پێشبێخن.
