د. پشتیوان سادق: بۆ پاراستنا دۆزا كوردی دڤێت لیست و بەربژارێن پارتی سەربكەڤن
دكتۆر پشتیوان سادق، بەرپرسێ مەكتەبا رێكخستنا پارتی دیموكراتی كوردستان د ئاهەنگا دانەنیاسینا بەربژارێن پارتی دا بۆ هەلبژارتنێن جڤاتێن پارێزگەهێن ئیراقێ ل ناوچەداریا كەلەكچی دبێژیت: ئەگەر پارتی نەبیت، دیموكراسیەتێ چو بهایێ خوە ل ئیراقێ و كوردستانێ نابیت و هەكە پارتی نەبیت دۆزا كوردی نامینیت، لەورا دڤێت لیست و بەربژارێن پارتی سەربكەڤن.
دكتۆر پشتیوان سادق، ئەندامێ مەكتەبا سیاسی و بەرپرسێ مەكتەبا رێكخستنا پارتی ل پارێزگەها دهۆكێ ل رۆژا 10/12/2023 ل ناوچەداریا كەلەكچی د كۆمبوونەكا بەرفرەه یا جەماوەری دا بۆ ناساندنا كاندیدێن پارتی د هەوا هەلبژارتنێن جڤاتێن پارێزگەهێن ئیراقا فیدرال دا بۆ جڤاتا پارێزگەها نەینەوا، بەحسێ هەلویست و مێژۆ و دەستكەفتێن پارتی كر و گۆت: “ئەگەر پارتی نەبیت دێ كەرامەتا مە ژی كەڤیتە د مەترسیێ دا، ئەگەر پارتی نەبیت، ل ئیراقێ و كوردستانێ تشتەك بناڤێ دیموكراسیەتێ نامینیت و دۆزا مە ژی دێ كەڤیتە د مەترسیێ دا، لەورا سەركەفتنا لیستا (197) یا پارتی و سەركەفتنا بەربژارێن پارتی هەبوونا مرۆڤایەتیێ یە ل دەڤەرێ و پاراستنا كەرامەتا مە هەمیانە”.
بەرپرسێ مەكتەبا رێكخستنا پارتی دیموكراتی كوردستان سوپاسیا خرڤەبوویان كر و سوپاسیا رێكخەرێن چالاكیێ كر.
