د پێشكێشكاریێ دا بەرنیاستر بووم
هەرهین محەمەد:
زەینەب ئەحمەد، پەیامێرا دهۆك تیڤی و پێشكێشكارا بەرنامێ ئازرین، د دیدارەكێ دا بۆ رۆژنامەیا ئەڤرۆ گۆت: بەرنامێ ئازرین یێ مە یدانیە و ئەڤە بۆ دەمێ سێ سالانە یێ بەردەوامە دناڤ خەلكی دا و ل هەرجهەكێ قەرەبالغ لێ بیت ئەم ب بابەتێن خوە لێ دئامادەینە و هەر بابەتەكێ گرێدای جڤاكی بیت و دوكەس ل سەر جادێ دراوەستیایی بن ئەم وان دكەینە دشاشێ دا و مەرەم ژ ڤی بەرنامەی ئەو بوو خەلك خوە پتر دشاشەیا دهۆك تیڤی دا بینیت و هەەموو شاشەیێن دی ژی پێدڤی ب مینا بەرنامێ ئازرین هەنە ژبۆ وێ چەندێ خەلك پتر خوە دشاشەیێن كوردی دا بینت و ئەڤ بەرنامە دبنە دەرگەهەك بۆ گەلەك ڤەكولینێن جڤاكی و هەكە بهێنەكرن و دێ زانی جڤاكێ مە دهەر بابەتەكی دا چ ئاست هزردكەت و رەوشەنبیریا وان چیە، یان بۆ هەربابەتەكی بۆچۆنێن وان چنە.
زەینەبێ گۆت: پێشەیا من یا سەرەكی پەیامنێریە و گەلەك یا پێ خۆشم ب ڤی كاری، بەلێ من گەلەك خوە پتر د بەرنامەی دا دیت ژ پەیامێریێ ب تایەتی (ئازرین) و بەرنیاس بوویمە.
