د چامپیۆنزلیگایێ دا بەختێ پاریسێ خراب بوو و چەنسێ بەرشەلۆنا و ئارسینال باش دەركەفت
ل شەڤا پێنچ شەمبییا بۆری ئاهنگا پشككێشانا قارەمانییا یانەیێن ئۆرۆپا قارەمانێن خولا چامپیۆنز لیگ بۆ وەرزێ 2023-2024ێ ل باژێرێ مۆناكۆ یا فرەنسی هاتە ئەنجامدان ئەوا 32 یانەیێن ئۆرۆپا هاتینە بەلاڤكرن ل سەر هەشت كۆمان و بڕیارە هەڤڕكیێن گەڕا ئێكێ یا كۆمان ل 19ێ ڤێ مەهێ ب شێوەیێ هاتنۆچوون بهێنە كرن.
كۆما ئێكێ: بایرن میۆنخ، مانچستەر یۆنایتد، كۆبنهاگن، گالاتا سارایی.
كۆما دویێ: سیڤییا، ئارسنال، ئایندهۆڤن، لانس.
كۆما سێیێ: ریال مەدرید، ناپۆلی، سپۆرتینگ براگا، یۆنیۆن بەرلین.
كۆما چارێ: بەنفیكا، ئەنتەر میلان، رێدبۆل سالزبۆرگ، ریال سوسیداد.
كۆما پێنجێ: فینۆرد رۆتردام، ئەتلەتیكۆ مەدرید، لاتسیۆ، سێلتیك.
كۆما شەشێ: پاریس سانجیرمان، بورۆسیا دۆرتمۆند، ئەی سی میلان، نیۆكاسل یۆنایتد.
كۆما حەفتێ: مانچستەر ستی، لایبزیك، سرڤینیا زڤیزدا، یۆنگ بۆیز.
كۆما هەشتێ: بەرشەلۆنا، پۆرتۆ، شاختار دۆنێتسك، رۆبال ئانتۆیێرپ.
كۆما ئاگرین كیشكە؟
ل دووڤ شارەزاێن ێ وەرزشی ل سەر ئاستێ جیهانێ كۆما شەشێ هژمارتیە ئاگرین و ئاسنی، ئەو یانەیێن دیاركری د كۆمێ دا تایبەت پاریس سانجێرمان یا فرەنسی و میلان یا ئیتالی و بورۆسیا دۆرتمۆند یا ئەلمانی بۆ هەر وەزرەكێ بهێز هاتینە دناڤ چامپیۆنزێ دا و شارەزا و سەربۆرن، پاریس ب سەركێشیا راهێنەرێ خوە یێ ئسپانی لویس ئەنریكی گوهۆڕینێن بەرچاڤ كرینە و مانا ستێرێ وێ مباپی هێزەكا دی دایێ، لێ یانەیەكا وەكو میلان ژی خودان ئارمانجە ئەوا ل وەرزێ بۆری گەهشتییە قۆناغا پێش دووماهیێ، ژلایێ خوەڤە نیۆكاسل یا ئنگلتەرایێ دوور نینە ببیتە سۆپرایزا كۆمێ.
پشككێشان د بەرژوەندییا چەمسەرێن مەدرید دا بوو
شارەزایێن تەپا پێی هوسا دیار دكەن كو پشككێشانا چامپیۆنزێ د بەرژوەندییا هەردو یانەیێن پایتەختێ ئسپانیا مەدرید دا بوون، هەبوونا ریال مەدرید د كۆمەكێ دا ژبلی ناپۆلی یا ئیتالی هەردو یانەیێن دی نابنە رێگر بەرانبەر هیڤیێن وێ، دیسان هەمان هزر بۆ ئەتلەتیكۆ مەدرید ژی دچیت ئەوا د كۆما پێنجێ دا دبی تبتنێ لاتسیۆ شەڕی دگەل بكەت بۆ سەرێ لیستەیا كۆمێ، هەرچەندە ژی د تەپا پێی دا بچووك و مەزن نینن و گەلەك جاران بۆچوون ژی بەرۆڤاژ دهێنە دیتن.
ئەركەكێ ب سانەهی بەرانبەر مان ستی و بەرشەلۆنا یە
دشێن بێژین كۆما هەشتێ بۆ یانەیا بەرشەلۆنا قارەمانا لالیگا یا ئسپانی ب سانەهیترین كۆم بیت ب دیتنێ ڤە ژبەركو ئەو یانەیێن بەرانبەر بەرشەلۆنا یاریێ دگەل دكەت ل دووڤ هێزا وێ یە كو دەلیڤەكا باش بۆ هاتیە پشتی دو وەرزێن بۆری یێن چامپیۆنزێ نەشیایی ژ قۆغاغا كۆمان دەربازبیت، بۆ وەرزێ ئەڤ سالە بزاڤێ كەت گرێیا دەربازبوونێ ڤەكەت، ژلایێ خوەڤە قارەمانا چامپیۆنزا بوری مانچستەر ستی یا ئنگلتەراێ د كۆما حەفتێ دا دێ ب سانەهی دەست ب پاراستنا ناسناڤێ خوە كەت.
كۆما ئاستەنگ
بۆچوون هوسا دهێنە دیاركرن كۆما چارێ وەكو یا ئاستەنگ و نە دیار دهێتە نیاسین و بزەحمەتە كیش یانە دەلیڤەیا دەربازبوونێ هەبیت و دبیت هەتا قۆناغا هەشتێ ژی، پێشبینی دهێتەكرن ئەنتەر میلان خودانا رێزا دویێ یا چامپیۆنزا بوری ب تنێ دەلیڤە هەبیت.
