د چاڤێن وی دا کێم بووم
ئه‌ڤرۆ نيوز
:کچەکا 22 سالی دلێ خوە بۆ ئەڤرۆ ڤەدکەت و دبێژیت: ئەڤە ماوەیەکە ب گەنجەکێ 23 سالی داخبار بوویمە و مخابن نەشیامە خوە، رۆژەکێ من ھەستێ خوە ل بەرامبەر وی دەربری و من گوتێ دلێ من یێ کەفتیە تە و من دڤێت شوو ب تە بکەم من وەسا ھەست دکر کو ئەوی ژی ھەمان ھەستێن بەرامبەری من ھەین، گوتە من دێ ھزرێت خوە کەم و پاشی پشتی چەند رۆژەکا وی گوتە من لمن ببورە و نەشێم تە بۆ خوە ب خوازم ئەز وەسا ھزر دکەم کو پشتی من ڤیانا خوە بۆ وی دیارکری د چاڤێن ویدا کێم بووم لەوا وەگوتە من، بۆ زانین خوازگینێن من ھەنە، لێ ھەتا نھا ژبەر وی نەشیایمە شوو بکەم ب تنێ ھزرێت وی دکەم و نەشێم ژبیر بکەم و بەرامبەری وی ھەست ب کێماسیێ دکەم ئەڤجا ھوون چ دبێژن چ بکەم؟
کچا ھێژا:
مخابن رەوشەنبیریا جڤاکێ مە ئاستەنگە ل بەرامبەر دەربرینا کچێ بۆ ڤان بابەتا، ژبەرکو دەمێ ئەڤ کارە دھێتە ئەنجام دان بێگومان پرسیار ل سەر دھێنە ئاڤاکرن و دیتنێن شاش ژێ دچن ل دووماھیێ بابەت ئالوز دبیت لەوما دبیت ئەو ئێک ژ ئەگەرا بیت. وەسا دیارە کو ھەمان ھەستێ تە لنک ھەڤالێ تە نینە، لەوما دەرفەتا ھزرکرنێ خواست و پاشی ب نەرێنی بەرسڤ ھات، بلا تە کونترول پتر ھەبیت ل سەر حەزێن خوە و ھەردەم پێدڤیە داب و نەریتن جڤاکی لبەر چاڤ دانین ژبەرکو خەلکێ مە یێ بەرمەجەکریە ل سەر وان. باش بزانە کو ساخلەتێن کو دھزرا تەدا دباشن یێن لنک گەلەک گەنجا ھەین و دبیت یێن باشتر لنک ھندەکێن دی ھەبن لەوما بێ ئومێد نەبە و خەما نەخوە بەلکو گەلەک جارا گەلەک کار د بەرژەوەندیا مروڤی دانە، بزانە ژی دەرگەھێن ژیانێ لبەر تە دڤەکرینە و پێنگاڤێن ب باوەری پاڤێژە و کچێن وەکو تە ب رەوشت خەونا ھەر گەنجەکی نە.
په‌يجێ دلێ خوه ڤه‌كه ل سه‌ر تۆڕا جڤاكيا فه‌يسبۆكى