د چەند سالێن بۆری دا رۆسیا گەلەک زیان گەهاندینە ئیرانێ
نیعمەتوللا ئیزەدی بالیۆزێ بەرێ یێ ئیرانێ د داخویانیەکێ دا بۆ دەزگەهێن راگەهاندنا ئیرانێ دیار کر، رۆسیا چو دەمەکێ پشتەڤانیێ ل ئیرانێ ناکەت، د شەڕێ ل گەل ئسرائیلێ دا هەلوەستێ رۆسیا گەلەک خراب بوو، رۆسیا هاریکاریا سیاسی ژی نەدا ئیرانێ و هەکە رۆژەکێ رۆسیا نەچار بیت د ناڤبەرا ئیرانێ و ئسرائیلێ دا ئێکێ هەلبژێریت بێگومان دێ ئیسرائیلێ هەلبژێریت و ب چو رەنگەکێ ژی پشتەڤانیێ ل ئیرانێ ناکەت.
بالیۆزێ بەرێ یێ ئیرانێ ل رۆسیا ئەو یەک ژی دیار کر، سیاسەتا چەندین سالێن بۆری یا رۆسیا ب تەمامی ل دژی بەرژەوەندیێن ئیرانێ بوویە، رۆسیا نها ژی بەرهەڤ نینە ل هەمبەر گەفێن ئەمریکا و رۆسیا پشتەڤانیێ ل ئیرانێ بکەت، ژ بەر ڤێ یەکێ ژی گرنگە بەرپرسێن ئیرانێ خواندنەکا باش بۆ رەوشا نها بکەن و ب چو رەنگەکێ ژی چاڤەرێی پشتەڤانیا رۆسیا نەبن، سیاسەتا رۆسیا هەردەم ل دژی بەرژەوەندیێن ئیرانێ بوویە.
