د ڕوودانەكێ دا ل زاخۆ كەسەكی گیانێ خوە ژ دەست دا

زاخۆ، دلۆڤان هالۆ:

ئەحمەد ڕەمەزان، بەرپرسێ ڕاگەهاندنا ڕێڤەبەریا پۆلیسێن زاخۆ بۆ ڕۆژناما ئەڤرۆ دیار كر كو د ڕوودانەكا هاتنوچوونێ دا ل زاخۆ كەسەكی گیانێ خوە ژ دەست دا و دو كەس ژی بریندار بوون.
بەرپرسێ ڕاگەهاندنا ڕێڤەبەریا پۆلیسێن زاخۆ گۆت: «دوهی 4/6/2024 ل سەر جادا سەرەكی یا ئیبراهیم خەلیل ل نێزیك كۆمەلگەها باكرمان تڕومبێلەكا بارهەلگر ژ جۆرێ ترێلە خوە ل كەسەكێ پیادە دا، كو ژییێ‌ وی ٣٥ سالبوون و د ئەنجام دا گیانێ خوە ژ دەست دا و پاشی هەمان تڕۆمبێلا بارهەلگر خوە ل دو تڕۆمبێلێن دی ژ جۆرێن پیك ئاپ تویوتا و پیك ئاپ نیسان دا و د ئەنجام دا دو كەسێن دی، كو شۆفێر بوون، برینداربوون».
گۆتژی: «تەرمێ‌ ئەو كەسێ گیانێ خوە ژ دەست دای بۆ نۆشداریا داد ل زاخۆ هاتە هنارتن و بریندار ژی بۆ نەخوەشخانا تەنگاڤیان هاتنە هنارتن».

کۆمێنتا تە