د ژیێ 60 سالیێ دا بوو قارەمانێ جیهانێ
بۆكسڤانێ ئەمریكی ئۆلیڤەر ماكۆل یێ 60 سالی شیا ناسناڤێ تكساس یا نێڤدەولەتی ب دەستڤە بینت بۆ كێشا گران، پشتی د گەڕا چارێ دا شیایی سەركەفتنێ ل سەر هەڤڕكێ خوە یێ ئەرجەنتینی كارلۆس ڕێس یێ 54 سالی بینت، د هەڤڕكیێن واندا ئەوا بۆ ئاستێ كێشا گران ل ئەمریكا هاتییە كرن.
د كۆنگرەیەكێ رۆژنامەڤانی دا ئۆلیڤەر ماكۆل گۆت: هەرچەندە من گەلەك ناسناڤ هەبووینە هەر ژ ل سالا 1985 و هەتا نوكە، لێ ئەڤ ناسناڤە بۆ من گەلەك یێ گرنگە، نە ژبەر وەرگرتنا خەلاتی، بەلكو ببیتە دیرۆكەك و دووماهیەكا ب دەستكەڤت، ژیێ من یێ مەزنە لێ ڕژدی و ئارمانج ل دەڤ من هەبوون، هەروەسان بۆ هەموو یاریزانان ببیتە بەلگە كو ژییێ مرۆڤی بتنێ بكەنە هژمارە و دەستان ژ هیڤیێن خۆ بەرنەدەن.
