د ژیێ هەڤژینیێ دا کچ و کور لدووڤ ڤان کەسان دگەرن
ئەڤرۆ نیوز:
لدووڤ ڤەکۆلینەکێ کو ل ڤێ دووماهیێ هاتیە ئه‌نجامدان، د ژیێ هەڤژینیێ دا كور و كچ زێدەتر ئەو كه‌س ل دەف وان یێ په‌سه‌نده و بزاڤا هەڤژینیێ ل گەل د‌ده‌ن کو وەک دایك و بابێن خوە بیت.
ئەگەرێ ڤێ چەندێ ڤەدگەرینن بۆ هندێ کو ئەو ماوێ وان ژیان ل ناڤا خێزانێ و ل گه‌ل دایك و بابێن خوە دا ب ئاسووده‌یى بوراندیه.
ئەڤ ڤەکۆلینە ل زانكۆیا چارلز ل باژێرێ پراگێ پایته‌ختێ چیك هاتیە ئه‌نجامدان، کو نێزیکی 200 كه‌سان، کو ژیێ وان پێگەهشتیە د د ئاستێ هەڤژینیێ دا و گه‌هشتینه وێ راستیێ كو كوران حەزا پێكئینانا ژیانا هەڤژینیێ ل گه‌ل وان كچان هەیە، یێن کو ژ روویێ ره‌فتار و سروشتی و ژ لایێ ره‌نگێ پرچی و چاڤان ڤە زێدەتر وەک یێ دایكێ بچیت، ب هه‌مان شێوه كچان ژی حەزا پێكئینانا ژیانا هەڤژینیێ ل گه‌ل وان كوران زێدەتر هەیە یێن کو ساخلەتێن بابێن وان تێدابیت.
ڤەگۆلەران گۆتیە ژی، ئەڤ حاله‌ته بۆ وان كور و كچانه یێن کو د خێزانەکا ئاسووده و به‌خته‌وه‌ر دا مەزن بووین و تێدا ژیاین، ره‌نگڤەدانا وێ خێزانا به‌ختەوەر وەلێ دکەت، کو هەڤژینێ وان یێ داهاتی وه‌ك یێ دایك و بابێن وا بن.
لەوما پێدڤیه دایك و باب خێزانەکا كامه‌ران پێكبینن و هه‌مووگاڤا ئاگەهدارى حەز ژێکرن و رێز و سۆزا خوە بن به‌رامبه‌رێ خوە و زارۆیێن خوە، ئه‌و كچا ب زارۆکینی و د ژیانا خێزانا خوە دا هه‌ست ب حەزژێکرنا بابێ خوە كربیت، ل به‌رامبه‌ر خوە و دایك و خوشك و برایێن خوە دا، دێ د ده‌روون و ژیانا داهاتیدا ره‌نگڤەده‌ت کو كه‌سەکێ بۆ هەڤژینیێ کو ل دەف وێ یا په‌سه‌ندتره كو ساخلەتێن بابێ وێ تێدا بیت، بێگومان كور ژی ب هه‌مان شێوه.
