د ژیەكێ بچووك دا من حەز ژ كارێ سینەمایێ دكر
شاكر ئەتروشی:
بهار مەعروفی، سینەماكار و ماموستایا دیزاینێ، كو خەلكا پارێزگەها ئورمیێ یە ل رۆژهەلاتێ كوردستانێ، د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من حەزژ كارێ سینەمایێ و ئەكتەریێ دكر، بەری (10) سالان ل تەهرانێ دەلیڤە بۆ من چێبوو من پشكداری دفلمەكێ درێژ یێ كوردی دا كر، كو ناڤێ وی (دایان) بوو، ئەڤە ئەزموونا من یا ئێكێ بوو، هەروەسا ئەز ئەكتەرا سەرەكی بووم، وی فلمی پشكداری د هژمارەكا فێستیڤالێن سینەمایێ یێن نێڤدەولەتی دا كر و پتری (10) خەلاتان وەرگرتن و ئەڤ چەندە بۆ دەرگەهەك كو وەكو ئەكتەر هەروەسا دیزاینەرا فلمێن سینەمایی ژی یا بەردەوامبم و هەتا نوكە وەك ئەكتەر هەروەسا وەك دیزاینەر ژی من پشكداری د پتر ژ (10) فلم و درامایان دا كریە و خۆشحالم وەكو كچەكا كوردا رۆژهەلاتی شیایم ل دووف شیانێن خزمەتا سینەما یا كوردی بكەم.
هەروەسا گۆت: هەر ل ئیرانێ من شانۆگەریەك نڤیسی و ب كارێ دەرهێنانا وێ ژی ڕابووم، هەروەسا وەكو هاریكارا دەرهێنەری ژی من دفلمەكی دا كاركریە، دووماهی بەرهەم ژی پشكداریا من بوو وەك ئەكتەر دفلمێ (دەمێ پایزێ) دا و هیڤیا من ئەوە ل دەمێ بهێن مە بەرهەمێن باشتر و بهێزتر هەبن، بۆ زانین ل 2019 ئەز هاتیمە پارێزگەها دهۆكێ و ئەڤە چار سالن وەكو ماموستایا دیزاینێ ل پەیمانگەهەكا ئەهلی ل دهۆكێ كاردكەم، هەروەسا من پشكداری د فلمە فێستیڤالا دهۆك یا سینەمایێ دا كریە.
