د. ڤیان دەخیل: ئەم كار دكەین ئاوارەیێن شنگالێ ب سەربلندی ڤەگەڕنە دەڤەرێن خۆ
دهۆك، لەزگین جۆقی:
ئەندامەكا پەڕلەمانێ ئیراقێ بۆ رۆژناما ئەڤرۆ دیار كر، ئەو كار دكەن ئاوارەیێن شنگالێ ب سەربلندی ڤەگەڕنە دەڤەرێن خۆ و هەمی مافێن وان بهێنە دابینكرن و دەست ب ژیانا خۆ یا ئاسایی ل شنگالێ بكەن.
د. ڤیان دەخیل، ئەنداما پەڕلەمانێ ئیراقێ و پەیڤدارا فراكسیۆنا پارتی دیموكراتی كوردستان گۆت: «پێدڤیە هەمی پێدڤیێن سەرەكیێن ژیانێ بۆ ئاوارەیان بهێنە دابینكرن و حكومەتا ئیراقێ ڕەوشا مرۆڤی یا ئاوارەیان بەرچاڤ وەربگریت».
بۆ زانین هەتا نوكە هێشتا نێزیكی 280 هزار ئاوارەیێن شنگالێ د ناڤ كەمپان دا ل پارێزگەها دهۆكێ و ئیدارەیا سەربخۆ یا زاخۆ ماینە و نەشیاینە ڤەگەڕنە دەڤەرێن خۆ.
