د ڤێ حەفتیێ دا دیدارا جزیری ل بارزان دێ هێتە گێڕان
رەمەزان زەكەریا:
ب چاڤدێریا نڤیسنگەها رێزدار (مەلا مستەفا بارزانی) و ب پشتەڤانیا وەزارەتا رەوشنبیری و لاوان، رێڤەبەریا رەوشنبیری و هونەری ل بارزان، ل بەرە رۆژا پێنجشەمبی، رێكەفتی 13/2/2025 دیدارا مەلایێ جزیری یا ئێكێ ل ژێر دروشمێ( جزیری و بارزان ، دو فێرگەهـ و یەك عرفان) بگێڕیت و هژمارەكا ئەدیب و نڤیسكار و رەوشەنبیران دێ لێ د بەرهەڤ بن و چالاكی ل دەمژمێر دەهی سپێدێ دێ ل هولا (مۆنۆمێنتێ بارزانیە جینۆسایكراوەكان) دەستپێكەت.
حەسەن بابەكر ، رێڤەبەرێ رەوشنبیری و هونەری ل بارزان، ل دۆر بەرنامەیێ وێ دیدارێ بۆ رۆژنامەیا ئەڤرۆ گۆت: بەرنامەیێ دیدارا جزیری دێ چەندین پەنەل و بڕگە هێنە پێشكێشكرن، هەروەسا دێ هژمارەكا پەرتووكێن تایبەت ب دیدارا جزیری ڤە ل سەر بەرهەڤبوویان دێ هێنە بەلاڤكرن، هەروەسا دێ رێز ل هژمارەكا كەس و دەزگەهان هێتە گرتن و ل سەر ئاستێ كوردستانێ چەندین مامۆستا و دكتۆر و كەسایەتی دێ د پەنەلان پشكداربن و پێشنیاز دێ هێتە كرن كو دیدار ببیتە سالانە و هەر جار ل باژێرەكێ كوردستانێ بهێتە ئەنجامدان، دیدار ب سپۆنسەریا میدیایی كەنالێ كوردستان 24 دێ هێتە ڤەگۆهاستن.
