د ڤەکرنا قوتابخانان دا بەلانسێ ئابوورێ خێزانێ تێکچوویە
ئه‌ڤرۆ نيوز:
ھەر وەرزەکێ ب سەر خێزانێ دھێـتە خوارێ جل و بەرگ و پێدڤیێن وەرزی دخازنە ھندێ بھێنە دابین کرن، کەل و پەلێن قوتابخانێ ژی ئێک ژوان پێدڤیانە کو پتریا خێزانا گازندێ ژ گرانیا وان دکەن و زێدەخاستنا وان دناڤ قوتاپخانێ دا، ئابوور ناس ژی دبێژن گرنگە دایک و باب بەلانسێ خێزانێ یێ ئابووری راگرن نەکە ێ کاریگەری کەڤیتە سەر ئابوورێ خێزانێ.
ھەرمین عەلی ماموستایە دیاردکەت کو دایک و بابێن قوتابیا گازندێ دمەزاختیێن قوتابخانێ دکەن ژبەر دکەڤن د امە پێدڤیێن خواندنێ دانە وان بەلێ نھا ئەو سیستەم نەمایە و دایک و باب ژی خودان رەوشەکا لاوازن یا ئابووری ھەتا جاران ئەم ماموستا ھەول دەین پێکڤە پێدڤیێن قوتابخانێ بو زارویاێن وان دکرین.
جیھاد موسا بابێ شەش قوتابیایە ئاشکەرا دکەت کو ئەڤە قوتابخانە ەست پێکری نێزیکی سێ سەد دولار بەس من یێ کەل و پەلێن قوتابخانێ خەرج کرین، ژبەر ھندێ نھا رەوشا من ئالوز بوویە و ئێدی خەرجی نەماینە ئەز پێدڤیێن وان بو دابین بکەم، ژبەر ھندێ ئەڤ چەندە کاریگەریێ دئێختە سەر ھەمی دراڤێ خێزانێ و تایبەت ژی ئەڤ گھۆرینا جل و بەرگا کو سالانە ئەڤ جلکە دھێنە گھۆرین و ھەر سال بریارەک دەردکەڤیت ئانکو ئەڤە نە بریارەکا بنەجھە بەلکو ھەر جار ب شێوەکی دەردکەڤیت دبیت ئەڤە بو ھندەک خێزانا یا ئاسان بیت بەلێ بو خێزانێن ب ھیڤیا مووچەیی ڤە دبیتە بارگرانی.
ئاریان بەھدین ژی دایکا دوو قوتابیانە ل قوتابخانێن کەرتێ تایبەت دخوینن دبێژیت رەوشا مە دگەل ڤەکرنا قوتابخانێ گەلەک خرابتر لێ ھێت و ھەتا مە ل بەرە ژبەر نەبوونا دراڤەکێ باش زارویێ، خوە ژ قوتابخانا کەرتێ تایبەت بینم دەر و دزانم ژی دێ کاریگەری کەڤیتە سەر خواندن و کەسایەتیا زارویا و دبیت نەشێ، خوە لێ ب گۆنجینن بەلێ قوتابخانێن کەرتێ تایبەت ژی گرانتر لێ ھاتینە و ژبلی پێدڤیێن وان ھەمی ب پارەنە.
کوڤان گەرماڤی تایبەتمەندێ دبیاڤێ ئابووری دا دبێژیت دبیت ئەم ھزر بکەین چ بارگرانی ل سەر خێزانا نینە بەلێ بەرۆڤاژی دقوناغێن خواندنێ خەرجیێن زێدەتر دچن و ھەتا خێزان ھەنە، ل دەمێ ڤەکرنا قوتابخانا تووشی نە ئارامیێ دبن چونکی ئەو دراڤێ ھەی نەشێت پێدڤیێن قوتابیا بو جێبەجێ بکەت، ئەڤە ژلایەکێ دیڤە ژی نە بتنێ کەل و پەلن بەلکو خوارن و شریناھی و پارێ قوتابخانی یێ رۆژانە کود بیت گەلەک قوتابی ل مال خوارنێ ناخوون دێ دایک و باب دراڤەکی دەتە دەستی دا بشێت تشتەکێ بکیت و بخووت، دیسا ژی کریا ترۆمبیلی جلو بەرگ و ھەتا چەند قوناغەک مەزنتر لێ بھێت خەرجی پتر لێ دھێن چونکی ئەم یێ تووشی ئاریشەکا دی یا ھەبوونا زارویا دێ پێدڤیێن وان و خەرجی پتر لێ دھێن، ئانکو زێدەتر ژ سێ زارویا ژنوی بارێ گران دکەڤیتە سەر خێزانێ ئانکو ڤەکولینەکێ دا پشتی مە ئەنجام دایی ل پارێزگەھا دھۆکێ رێژا خودانکرنێ 2.8 ئانکو ھەر کەسەک بەرپرسیارە ژ خودانکرنا خوە و سێ کەسێن دی کو خەرجیان لێ دکەت و ئەڤە بەرپرساتیەکا گەلەک مەزنە بەلێ بەرۆڤاژی ل وەلاتێن پێشکەفتی رێژە ئێکە و زێدەتر نینە و ھەر کەسەکێ کار دکەت پتر ئەون یێن زارو کێم ھەین و کێم بەرپرساتی و خودانکرن دستویێ دا بەلێ ل ڤێرە و ئەو پارێزگەھێن دی یێن کوردستانێ چ جوداھیا وەسا دگەل دھوکێ نینە و ئەو ژی نێزیکی ڤێ رێژێ یە و کێمتر نینە، بەلکو ئەڤ رێژە بارەکێ گرانە بو ھەر سەمیانەکێ خێزانێ و ئەو کەسێ بەرپرساتیا خێزانێ ھەلدگریت، چونکی خالا دی ژی ئەوە فەرە ئەم ل بەر چاڤ وەرگرین ئەو خێزانێن نەشێن پێدڤیێن مالێ دابین بکەت باشترە کێم زارو ھەبن دا بشێت ژلایێ ئابووری ڤە سەرەدەریەکا باش دگەل دا بکەت چونکی ھێشتا ئەم یێ دقەیرانەکا ئابووری دا و ئەم ژێ قورتال نەبووینە و گرنگە خێزان ھزر ل دراڤێ قوتابیا بکەت و ئاگەە ژێ ھەبیت دا بشێت جوداھیێ بکەت و بشێت ئابووری راگریت و کاریگەری نەکەڤیتە سەر دراڤێ خێزانێ ب گشتی.
