د کۆپا ئیراقێ دا کوردستان ب سەرکەڤت
تارق عەبدال
ل پال ھەمی سیکتەرێن دی ێین ژیانێ دا ئەڤرو دا ل جیھانێ ب گشتی گرنگی و پێدانەکا مەزن دایە بیاڤێ وەرزشێ ب تایبەتی فوتبۆلێ کو ب یارییەکا جەماوەری دھێنە نیاسین، لەورا ژی ل سەرانسەری جیھانێ پرانیا وەلاتان حەز دکەن هەلبژارتی و یانەیێن وان ب سەرکەڤن و ناسناڤا ب دەستخوڤە بینن وەکی قارەمانیێن کۆپا جیھانی و فدراسیۆنا ئۆرۆپا و ئەمریکا ئاسیا و .. ھتد، دیسان یانەیێن وان ژی ب ھەمان شێوە سەرکەڤتی بن، ب خۆش بەختانە ل کوردستانێ ژی ب تایبەتی ل ڤان چەند سالێن دووماھیێ دا گرنگیەکا مەزن دایە وەرزشێ ب گشتی و فوتبۆلێ ب تایبەتی ،دەرئەنجامێ ڤێ ڤێ چەندێ ژی ئەڤرو ئەم دبینین کو ل خولا ئیراقێ ھەر چار یانەیێن دھوک، نەوروز، زاخو و ھەولێر ھەڤرکییا ب دەستڤەئینانا خولا ئیراقێ دا کرن کو پشتی ب دووماهی هاتنا خولا ستێرێن ئیراقێ یانەیا زاخۆ ل رێزا سیێ هات و یانەیا دھۆک ل رێزا حەفتێ و ھەولێر دوازدێ و نەورۆز ل رێزا نەھێ هات، ھەر ئەڤە بوویە ئەکەرێ ھندێ کو دەمێ یاریێن یانەیێن کوردستانێ دھێنە کرن جەماوەرکێ ئێکجار مەزن ل یاریگەھان ئامادە دبن ژبو پشتەڤانیا یانەیێن خوە ئەڤە دەمەکی دایە کو ھەمبەری وان دەما یاریێن دی یێن یانەیێن ئیراقێ د خولا ستێرێن ئیراقێ دا تۆ سێکا وی جەماوەری نابینی و ھندەک یاریان خۆ کەسەک ژی ئامادە نابیتن بەلکو گەلەک یانەیێن مەزن یێن ئیراقێ ھەین و خودان دیرۆکا کەڤن و چەندین ناسناڤ ھەنە لێ خەلکێ بەڕھەڤ نینە بچیتە پێش یاریین وان، ئەوا ئەڤرو ئەم دیاریگەھێن یانەیێن کوردستانێ دبینین جھێ دلخوەشیا مە ھەمیانە کو ھەمی پەلۆکێن یاریگەهێن مە تژی دبن ژجەماوەری بگرە ژ کەسێن دانەعەمر و ژن زارووک و گەنج ھەمی پێکڤە پشتەڤانیا یانەیا خۆ دکەن ئەڤە ژی دبیتە جوانترین کەڤال، تشتێ ھەر دلخوشکەر کو دیرۆکا وەزرشا ئیراقێ دا رێ نە دایە کو دو یانەیێن ئێک پارێزگەھ بگەھنە یارییا دووماھیا قارەمانییا کۆبا ئیراقێ کو نوونەراتییا کوردستانێ دکەن ئەڤە ژی جھێ سەربلندی و سەرفەرازیێ یە بو ھەر تاکێ کورد، دڤێرە دا راستە یانەیا دھۆک سەرکەفت و ناسناڤێ کۆبا ئیراقێ ب دەستخوڤە ئینا لێ ب دیتنا من دڤێ یاریێ دا کوردستان ب سەرکەفت ژبەر کو ئەم دزانین د ھەر یاری و بەریکانەکێ دا دێ ئێک ب سەرکەفتیت، لێ دڤێ یاریێ دا ھەردو یانەیێن دھۆک و زاخۆ د دیروکێ دا و د ناڤ دلێ مەدا ھەردو د سەرکەفتی نە ژبەر کو ئەو شیان ل پایتەختا ئیراقێ بەغدا ناڤ و دەنگیا وەرزشا کوردستانێ بلند بکەن وێنەکێ جوان و گیانەکێ وەرزشیانە ب رەوشتەکێ کوردپەروەرانە نیشا ھەمی ئیراقیان بدەن کو ئەم کورد دھەر تشتەکی دا پێشەنگین ھیڤییا مە ئەوە ھەر ھوسا یانەیێن بشێن سەرکەفتان ب دەستخوڤە بینن و جەماوەری مەژی ھەر بڤێ روحیەتێ ب گیانەکێ وەرزشی یێن بەرانبەری خو مەندەھوش کەن
