د ھەلبژارتیێ ئیرانێ یێ ژنان دا ھەشت یاریکەرێن زەلام ئاشکرا بوون
ئەڤرۆ نیوز، ئەیاد بەرواری:
دەزگەھێن راگەھاندنا ئیرانی ناڤێ ھەشت یاریکەرێن تەپا پیێ یێن زەلام ئاشکرا کرن کو دناڤ رێزێن ھەلبژارتیێ ئیرانێ یێ ژنان دا یاری د سالێن بۆری دا یاری دکر.
پشتی ھەشت سالێن گەنگەشێ و نەرازیبوونا ئێکەتیا ئیرانی بۆ تەپا پێی ل سەر وان راپۆرتێن بەحسێ ھەبوونا چار یاریکەرێن زەلام د رێزێن ھەلبژارتیێ نیشتمانی یێ تەپا پیێ یێ ژنان دا، ژێدەرەکێ نێزیک ژ ئێکەتیا تەپا پێی یا ئیرانی د داخۆیانیەکا رۆژنامەڤانی دا بۆ سایتێ (رۆژنامەڤانێن گەنج یێن ئیرانی) ئاشکراکر کو نە چار یاریکەرێن زەلام، بەلکو ھەشت یاریکەران یاری دناڤ رێزێن ھەلبژارتیێ ژنان دا کریە.
ھەبوونا یاریکەرێن زەلام دناڤ ھەلبژارتیێ ژنان دا ل ئیرانێ ڤەدگەریت بۆ سالا ٢٠٠٨ ێ، دەمێ جێگرێ سەرۆکێ یانەکێ و دو راھێنەرێن ژن بەحسێ ھەبوونا یاریکەرێن زەلام د رێزێن ھەلبژارتیێ ژنان دا، لێ ئێکەتیا تەپا پێ یا ئیرانێ ئەو دەنگوباسە ب درەو ل قەلەم دان.
