د 12 هه‌یڤان دا 11 هزار هه‌ڤژین ژێكجودا بووینه
ئه‌ڤرۆ:
ل دووڤ وان ئامارێن هاتینه دیاركرن، د 12 هه‌یڤێن سالا بۆری 2021ێ دا رێژا ژێكجودابوونێ د ناڤبه‌را هه‌ڤژینان دا به‌ر ب زێده‌بوونێ یه و گه‌هشتیه 11 هزار كه‌یسان ل هه‌رێما كوردستانێ.
پارێزه‌ر سوزان شنگالی، ژ دادگه‌ها دهۆكێ تایبه‌ت بۆ ئاژانسا خانی دوپات كر كو رێژا ژێكجوادابوونا هه‌ڤژینان ل هه‌رێما كوردستانی زێده‌بوویه.
ناڤهاتیێ ئاماژه ب هندێ ژی كر كو ژ هه‌موو ته‌خ و چینان د ناڤ وان دا هه‌نه و ل دۆر ئه‌گه‌رێن ژێكجودابوونا هه‌ڤژینان ژی گوت: “ئه‌گه‌رێن سه‌ره‌كی یێن ژێكجودابوونێ بۆ خراب بكارئینانا ئامیرێن ته‌كنه‌لۆژی و خرابیا بارێ ئابووری یێ وه‌لاتیان ڤه‌دگه‌ڕن”.
هه‌ژیه بێژین، د سالا 2020 دا هژمارا خیزانێن ژێكجودا بووین حه‌فت هزار و 566 كه‌یس بوون، لێ هه‌ڤبه‌ركرن دگه‌ل سالا 2021 رێژه به‌ر ب زێده‌بوونێ چوویه و گه‌هشتیه 11 هزاران.
