د 24 ده‌مژمێران دا دو كه‌س د چیای دا فڕین
ئه‌ڤرۆ، ره‌مه‌زان زه‌كه‌ریا:
د ده‌مێ 24 ده‌مژمێرێن بۆری دا دو وه‌لاتی ب مه‌به‌ستا كۆمكرنا گیایێن بهاری قه‌ستا چیای كرینه و هه‌ردو د چیای دا فڕینه و گیانێ خوه ژ ده‌ست دایه.
دوهی سپێدێ ل چیایێ هه‌ریر وه‌لاتیه‌ك ب ناڤێ (محه‌مه‌د ئه‌حمه‌د) د چیای دا فڕی و ئێكسه‌ر گیانێ خوه ژ ده‌ستدایه.
دیسا هه‌ر دوهی نیڤرۆ پێشمه‌رگه‌یه‌كێ خانه‌نشین ب ناڤێ (ئه‌كره‌م موكی مزووری) كو دبیته بابێ شه‌هید (زێره‌ڤان ئه‌كره‌م) ئێكه‌م شه‌هیدێ پێشمه‌رگه ل كۆبانێ د چیایێ سه‌فین دا فڕی و گیانێ خوه ژ ده‌ست دا.
د دو حه‌فتیێن بۆری دا ئه‌ڤه سێ كه‌س د چیای دا فڕین و گیانێ خوه ژ ده‌ست دا كو ب مه‌به‌ستا كۆمكرنا گیایێن بهاری قه‌ستا چیای كربوون.
